ՀՀ հարկային նոր օրենսգիրքն ընդունվել է՝ չնայած դժգոհություններին29 սեպտեմբերի 2016 - 12:05 AMT PanARMENIAN.Net - Սեպտեմբերի 29-ին ՀՀ Ազգային ժողովը 79 կողմ, 24 դեմ և 1 ձեռնպահ ձայներով ընդունել է Հարկային նոր օրենսգիրքի նախագիծը 2-րդ ընթերցմամբ: ԱԺ մի շարք պատգամավորներ հորդորում էին հետաձգել օրինագծի քվեարկությունը՝ մատնանշելով, որ դրա քննարկումն անցել է դատարկ դահլիճում, արագացված ռեժիմով, հայտնում է Tert.am-ը: Սակայն ԱԺ նախագահ Գալուստ Սահակյանն առարկել է՝ ասելով, որ 1-ից 2-րդ ընթերցումներում այն բազմաթիվ փոփոխություններ ներառելով՝ լիարժեքորեն քննարկվել է: Քվեարկությունից առաջ ՕԵԿ խմբակցության ղեկավար Հեղինե Բիշարյանը նշել է, որ խմբակցությունը դեմ է քվերակելու օրենքի նախագծին, քանի որ սեպտեմբերի 28-ին այն քննարկվել է սակավաթիվ պատգամավորների ներկայությամբ, և ժամանակ չի տրվել մանրամասն ծանոթանալու օրենքի նախագծին։ ԲՀԿ խմբակցության ղեկավար Նաիրա Զոհրաբյանը ևս նշել է, որ նման անփույթ կերպով չի կարելի ընդունել նախագիծ, որը կործանարար կլինի փոքր և միջին բիզնեսի համար։ Զոհրաբյանը կոչ արեց խորհրդանական մեծամասնության պատգամավորներին, ովքեր դեմ են նախագծին, բայց պարտադրված են կողմ քվեարկել, չքվեարկել և հետաձգել օրենքի նախագծի շուրջ քվեարկումը, գրում է Haynews.am-ը։ Հարկային նոր օրենսգրքով եկամտահարկի սանդղակն էապես վերանայվել է: Առաջարկվում է 120.000-150.000 դրամ աշխատավարձի դեպքում կիրառել 23% դրույքաչափ, 150.000-ից մինչև 2 մլն դրամի դեպքում՝ 28%, իսկ 2 մլն դրամից ավելի աշխատավարձի դեպքում պահպանվելու է գործող դրույքաչափը՝ 36%: Շրջանառության հարկի հարկման շեմը նախկին 40 մլն դրամի փոխարեն կսահմանվի 58. 35 մլն դրամ: Կարդացեք նաև՝ ՊԵԿ. Հարկային օրենսգրքում դրույքաչափի մասով փոփոխություններ են կատարվել Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |