Ֆիզիկայի բնագավառում Նոբելյան մրցանակի դափնեկիրները հայտնի են

Ֆիզիկայի բնագավառում Նոբելյան մրցանակի դափնեկիրները հայտնի են

PanARMENIAN.Net - Ֆիզիկայի բնագավառում 2016թ. Նոբելյան մրցանակի են արժանացել Դևիդ Թաուլեսը, Դունկան Հալդեյնը և Ջոն Քոսթերլիցը`«տոպոլոգիական փուլային անցումների և մատերիայի տոպոլոգիական փուլերի տեսական բացահայտման համար»:

Ջեյմս Թաուլեսը՝ Վաշինգտոնի համալսարանից է, Դունկան Հալդեյնը՝ Փրինսթոնի համալսարանից և Ջոն Քոսթերլիցը՝ Բրաունի համալսարանից:

Նոբելյան մրցանակակիրների առաջարկած ունիվերսալ մեթոդը թույլ է տալիս նկարագրել կարգի խախտումները երկչափ և եռաչափ մոդելային համակարգերում և օգտագործել դա հատկությունների կանխատեսման համար:

2016-ի պարգևավճաը կկազմի 8 մլն շվեդական կրոն` $953 հազար ֆիզիկայի բնագավառում բոլոր թեկնածուների համար:

2015 թվականին ֆիզիկայի ոլորտում Նոբելյան մրցանակակիր են դարձել ճապոնացի Տակաակի Կաձիտան և կանադացի Արթուր Մքդոնալդը։

Ֆիզիոլոգիայի և բժշկության բնագավառում 2016թ. Նոբելյան մրցանակը շնորհվել է ճապոնացի կենսաբան Յոսինորի Օհսումիին ավտոֆագիայի մեխանիզմը բացահայտելու, լիզոսոմների կամ վակուոլների բջջի ներսում անպիտան մասնիկների վերամշակման գործընթացը:

Պարգևատրման արարողությունը կանցնի Ստոկհոլմում դեկտեմբերի 10-ին` այդ օրը մրցանակի հիմնադիր Ալֆրեդ Նոբելի մահվան օրն է:

 Ուշագրավ
Կավելացվեն ծախսերը նաև հատուկ նշանակության նախագծերի ֆինանսավորման համար
Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում
---