// IP Marketing video - START// IP Marketing video - END

Նալբանդյան. Ադրբեջանը կորցրել է հավասարակշռությունը՝ նյարդերը տեղի են տվել

Նալբանդյան. Ադրբեջանը կորցրել է հավասարակշռությունը՝ նյարդերը տեղի են տվել

PanARMENIAN.Net - Հավասարակշռությունից դուրս եկած Ադրբեջանի նյարդերը տեղի են տվել: Այս մասին ԱԺ-ում ասել է ՀՀ ԱԳ նախարար Էդվարդ Նալբանդյանը՝ մեկնաբանելով Ադրբեջանին հայտնի բլոգեր Ալեքսանդր Լապշինի արտահանձնումը:

Փետրվարի 7-ին Բելառուսի Գերագույն դատարանն ուժի մեջ է թողել ՌԴ և Իսրայելի քաղաքացի Ալեքսանդր Լապշինին Ադրբեջանին արտահանձնելու որոշումը: Նույն օրը նա տեղափոխվել է Բաքու և այժմ գտնվում է մեկուսարանում:

Նրա խոսքով, միջադեպից հետո դեպի Արցախ մարդկանց հոսքը չի դադարի: Հարցին, թե ի՞նչ աշխատանքներ է տանում նախարարությունն այս ուղղությամբ, Նալբանդյանը պատասխանել է.

«Դրանով մարդկանց հոսքը Արցախ չկանգնեց, ավելացավ և շարունակելու է աճել։ Բնականաբար, այս ուղղությամբ գործողություններ արվել են, արվում են և պետք է արվեն, բայց չեմ կարծում, որ այդ գործողությունների մասին պիտի հայտարարենք», մեջբերում է Aysor.am-ը:

Նախարարը խորհուրդ է տվել ավելի զգոն լինել և չտրվել Ադրբեջանի սադրանքներին։

2016-ի դեկտեմբերին բլոգեր Ալեքսանդր Լապշինին ձերբակալել են Մինսկում Ադրբեջանի հարցումով, որտեղ նա ընդգրկված է «սև ցուցակում» ԼՂՀ այցելելու համար: ԼՂՀ այցելած անձանց համար մուտքն Ադրբեջան արգելված է: Այնուամենայնիվ, 2015-ի հունիսին Լապշինը մուտք է գործել Ադրբեջան Վրաստանի տարածքից ուկրաինական անձնագրով: Նրան հաջողվել է անցնել սահմանային հսկողությունը և հայտնվել Բաքվում, քանի որ ուկրաինական անձնագրում Ալեքսանդր անունը գրված էր «Օլեքսանդր»: Դրանից հետո Ադրբեջանը բլոգերի միջազգային հետախուզոմ էր հայտարարել «Պետական սահմանի մասին» օրենքը և երկրի միգրացիոն օրենսդրությունը խախտելու համար: ՌԴ ԱԳՆ-ն հայտարարել է, որ ՌԴ քաղաքացու արտահանձնումը երրորդ երկիր անթույլատրելի է:

Կարդացեք նաև՝ Բողոքի ակցիա ՀՀ-ում Բելառուսի դեսպանատան մոտ. Պահանջում են սառեցնել դիվանագիտական հարաբերությունները

 Ուշագրավ
Ըստ Բալասանյանի՝ Նիկոլ Փաշինյանը փորձում է ահաբեկել բոլորին
«Նախագահ Շիրակը, հիրավի, հայ-ֆրանսիական միջպետական հարաբերությունների զարթոնքի խորհրդանիշներից էր»,-ասվում է գրառման մեջ
Դատախազությունը հաստատել է Սանասարյանին առաջադրված մեղադրանքն ու գործն ուղարկել դատարան:
Նախագահ Արմեն Սարգսյանը ստորագրել է Վալերի Օսիպյանին աշխատանքից ազատելու հրամանագիրը: