Ովքեր են գլխավորում ԱԺ ընտրություններում առաջադրված ուժերի համապետական ցուցակները17 փետրվարի 2017 - 11:56 AMT PanARMENIAN.Net - Փետրվարի 16-ին ավարտվել է ապրիլին կայանալիք խորհրդարանական ընտրություններում կուսակցությունների և կուսակցությունների դաշինքների առաջադրման գործընթացը. բոլոր կուսակցություններն ու դաշինքները ներկայացրել են իրենց ընտրացուցակները ԿԸՀ: Այսպիսով, ՀՀ խորհրդարանական ընտրություններին առաջադրվել է 4 կուսակցություն և 5 դաշինք՝ Հայաստանի հանրապետական կուսակցությունը, «Ծառուկյան» դաշինքը, ԵԼՔ դաշինքը, Օհանյան-Րաֆֆի-Օսկանյան դաշինքը, Հայ հեղափոխական դաշնակցությունը, «Հայկական վերածնունդը», ՀԱԿ-ՀԺԿ դաշինքը, Կոմունիստական կուսակցությունը, «Ազատ դեմոկրատներ» և «Ազատություն» կուսակցությունների դաշինքը: ՀՀԿ համամասնական ցուցակի առաջին 5 համարներն են՝ Վիգեն Սարգսյան, Տարոն Մարգարյան, Արփինե Հովհաննիսյան, Արա Բաբլոյան ու Արմեն Ամիրյան: «Ծառուկյան» դաշինքի կազմում են ԲՀԿ-ն ու ժամանակին նրանից առանձնացած, հիմա՝ վերամիավորված Տիգրան Ուրիխանյանի «Ալյանս» կուսակցությունը: Ցուցակը գլխավորում է «Բարգավաճ Հայաստան» կուսակցության (ԲՀԿ) առաջնորդ Գագիկ Ծառուկյանը, երկրորդ համարը «Ծառուկյան դաշինք»-ի նախընտրական շտաբի պետ, Վերահսկիչ պալատի նախկին նախագահ Իշխան Զաքարյանն է, երրորդը Ազգային ժողովի «Բարգավաճ Հայաստան» խմբակցության ղեկավար Նաիրա Զոհրաբյանն է, չորրորդը Վարդան Բոստանջյանն է, հինգերորդը՝ ԲՀԿ պատգամավոր Միքայել Մելքումյանը: ԵԼՔ-ը երեք ընդդիմադիրների դաշինք է և միավորում է «Լուսավոր Հայաստան», «Քաղաքացիական պայմանագիր» և «Հանրապետություն» կուսակցությունները: Համամասնական ցուցակը գլխավորելու է Էդմոն Մարուքյանը, ցուցակի երկրորդ համարը Արամ Սարգսյանն է, երրորդը` Նիկոլ Փաշինյանը: Սեյրան Օհանյան-Րաֆֆի Հովհաննիսյան-Վարդան Օսկանյան դաշինքի 148 հոգանոց ցուցակը գլխավորում է նախկին պաշտպանության նախարար Սեյրան Օհանյանը: 2-րդ հորիզոնականում «Ժառանգությունից» Արմեն Մարտիրոսյանն է, երրորդը՝ Վարդան Օսկանյանը: Չորրորդ հորիզոնականում Էլինար Վարդանյանն է: Դաշինքի առանցքային դեմքերից մեկը՝ «Ժառանգության» հիմնադիր Րաֆֆի Հովհաննիսյանը, զբաղեցնում է ընդամենը 11-րդ հորիզոնականը: ՀՅԴ ցուցակի առաջին հնգյակն ունի հետևյալ տեսքը՝ Արմեն Ռուստամյան, Աղվան Վարդանյան, Դավիթ Լոքյան, Արմենուհի Կյուրեղյան և Լևոն Մկրտչյան: Վերածնված ՕԵԿ-ի ցուցակում անակնկալներ չկան. կուսակցության համամասնական ընտրացուցակը կգլխավորի Արթուր Բաղդասարյանը: Երկրորդ հորիզոնականում ԱԺ ՕԵԿ խմբակցության քարտուղար Մհեր Շահգելդյանն է, երրորդ տեղում՝ խմբակցության ղեկավար Հեղինե Բիշարյանը, չորրորդ և հինգերորդ տեղերում՝ պատգամավորներ Հովհաննես Մարգարյանն ու Իշխան Խաչատրյանը: «Ազատ դեմոկրատների» ցանկը գլխավորում է Խաչատուր Քոքոբելյանը, նրան հաջորդում են՝ Հրանտ Բագրատյան, Ստյոպա Սաֆարյան, Անահիտ Բախշյան, Մասիս Այվազյան: «Հայ ազգային կոնգրես» կուսակցության և «Հայաստանի Ժողովրդական» կուսակցության դաշինքի համամասնական ցուցակը գլխավորելու է ՀԱԿ առաջնորդ Լևոն Տեր-Պետրոսյանը: Ցուցակում երկրորդ համարն է Ստեփան Դեմիրճյանը, երրորդ՝ Լևոն Զուրաբյանը, այնուհետև՝ Զոյա Թադևոսյանը, Արամ Մանուկյանը, Գագիկ Ջհանգիրյանը: Հայաստանի Կոմունիստական կուսակցության համամասնական ցուցակը կգլխավորի Տաճատ Սարգսյանը, երկրորդ տեղում է Վազգեն Սաֆարյանը, ապա՝ Գագիկ Մանուկյանը, Մառա Շահինյանը, Համլետ Դանիելյանը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |