ՀՀ ֆուտբոլի հավաքական է հրավիրվել դարպասապահ Դավիթ Յուրչենկոն: Այս մասին տեղեկացնում է ՀՀ ֆուտբոլի ազգային ակադեմիան:

Դավիթ Յուրչենկոն ծնվել է 1986-ին Աշխաբադում: Ծնվել է ռուս-հայկական ընտանիքում (հայրը՝ ռուս, մայրը հայուհի)։ 2013-ից եղել է«Ուֆա» ՖԱ-ի դարպասապահ: Ճանաչվել է լավագույն ֆուտբոլիստ «Ուֆա ֆա»-ում ըստ երկրպագուների քվեարկության։ 2016-ի ամռանը նա պայմանագիր է կնքել «Անժի» ակումբի հետ երեք տարով:

Հայաստանի ազգային հավաքականի գլխավոր մարզիչ Արթուր Պետրոսյանը հրապարակել է Հայաստանի ազգային հավաքականի՝ արտերկրում հանդես եկող ֆուտբոլիստների անունները, որոնք ստացել են նախապատրաստական հավաքին մասնակցելու հրավեր.

Տարոն Ոսկանյան, «Կարմիոտիսսա» (Կիպրոս), Տիգրան Բարսեղյան, «Վարդար» (ՆՀՀ Մակեդոնիա), Հրայր Մկոյան, «Էսթեղլալ» (Իրան), Գաել Անդոնյան, «Վերիա» (Հունաստան), Լևոն Հայրապետյան, «Փեյքան» (Իրան), Գոռ Մալաքյան, «Ստալ» (Ուկրաինա), Էդգար Մալաքյան, «Ստալ» (Ուկրաինա), Մարկոս Պիզզելլի, «Քսանտի» (Հունաստան), Հենրիխ Մխիթարյան, «Մանչեսթեր Յունայթեդ» (Անգլիա), Ռուսլան Կորյան, «ԲՄԱ-Խաբարովսկ» (Ռուսաստան), Արթուր Սարկիսով, «Յենիսեյ» (Ռուսաստան), Արաս Օզբիլիզ, «Բեշիքթաշ» (Թուրքիա), Կամո Հովհաննիսյան, «Տորպեդո-Բելազ» (Բելառուս), Էդգար Մանուչարյան, «Ուրալ» (Ռուսաստան), Արմեն Համբարձումյան, «Մորդովիա» (Ռուսաստան), Դավիթ Յուրչենկո, «Անժի» (Ռուսաստան):

Հայաստանի առաջնությունում հանդես եկեղ ֆուտբոլիստների անունները և հավաքականի վերջնական հայտացուցակը հայտնի կդառնան ավելի ուշ:

Հունիսի 4-ին՝ ժամը 20:00-ին, Վազգեն Սարգսյանի անվան «Հանրապետական» մարզադաշտում կկայանա Հայաստան-Սենթ Քիթս և Նևիս ընկերական հանդիպումը, իսկ հունիսի 10-ին՝ ժամը 22:45-ին Պոդգորիցայի «Գրադսկի» մարզադաշտում կկայանա Աշխարհի 2018 թ. առաջնության ընտրական փուլի Չեռնոգորիա-Հայաստան հանդիպումը:

Հայաստանի ֆուտբոլի ֆեդերացիայի նախագահ Ռուբեն Հայրապետյանը 2017-ի մայիսի հայտարարել է, որՀայաստանի ազգային հավաքականը պատրաստ է ևս մեկ անգամ ՀՀ հավաքական հրավիրել Դավիթ Յուրչենկոյին: