Նախարար. Մեքենայից ծխախոտի մնացորդ նետելու համար նվազագույն տուգանքը 16.000 դրամ կլինի20 հուլիսի 2017 - 14:43 AMT PanARMENIAN.Net - Կառավարությունը ՀՀ արդարադատության նախարարությանն է փոխանցել աղբը չսահմանված տեղերում թափելու համար տուգանքներ սահմանող օրենքի նախագիծը: Այդ մասին կառավարության նիստից հետո լրագրողներին է ասել տարածքային կառավարման և զարգացման նախարար Դավիթ Լոքյանը: Նա նշել է, որ մշակված օրենքով բավականին կոշտ վարչական պատիժներ է սահմանում մեքենայից աղբ նետելու, մեքենայից ծխախոտի մնացորդ նետելու համար՝ նվազագույն տուգանքի չափը 16.000 դրամ է, խոշոր ձեռնարկությունների համար այն հանսում է մինչև 200-300.000 դրամի չափի, հայտնում է Aysor.am-ը։ Տարածքային կառավարման և զարգացման նախարար Դավիթ Լոքյանը կառավարության նիստի ժամանակ, երբ հավանություն էր տրվում «Մաքուր Հայաստան» ծրագրին, տեսակետ է հայտնել, որ մեզ մոտ քաղաքը, երկիրը մաքուր պահելու մշակույթ չկա: «Ցավում եմ, երբ նախկինում չենք ձևավորել այն մշակույթը, որ մեզանից յուրաքանչյուրը հասկանա՝ մեքենայից դատարկ շիշ չի կարելի շպրտել, որ Սևան-Երևան մայրուղու կամ Ապարան գնացող ճանապարհի մոտ որևէ գնում անելուց հետո չի կարելի այդ տոպրակը շպրտել»,- նիստից հետո լրագրողների հետ զրույցում ասել է Լոքյանը։ Նախարարը տեղեկացրել է, որ յուրաքանչյուր շաբաթ մաքրում են այդ տարածքները, բայց նորից աղբի կուտակումներ են հայտնվում: «Սա գալիս է նրանից, որ մենք դաստիարակության նորմեր չենք ձևավորել դպրոցից, ընտանիքից, իհարկե, բոլորին սա չի վերաբերում: Մեր թիվ մեկ խնդիրը դա է դառնալու, թե ինչպես մտցնել այս մշակույթը, որ բնությունը պահեն, ոչ թե աղտոտեն»,-հավելել է նա: Անդրադառնալով աղբամանների սակավությանը՝ նախարարն արձագանքել է, որ նույնիսկ այդ դեպքում ինքը կարող է շիշը կամ աղբը մեքենայում պահել այնքան ժամանակ, մինչև որ աղբաման հայտնվի ճանապարհին: «Բայց աղբամանների մեծ կարիք ունենք երկրում ու հաջորդ տարի մոտ 10.000 աղբաման ենք գնելու, ավելացնելու ենք այն տարածքներում, որտեղ բաց են, մշակութային, եկեղեցական օբյեկտներում, զբոսաշրջային վայրերում»,-ասել է նա: Լոքյանը նշել է, որ քարոզչություն է տարվելու, հոլովակներ են պատրաստվելու, գլխարկներ, բաժակներ են պատրաստվելու յուրաքանչյուր մարզի, սակայն սրանց համար պետական միջոցներից ծախսեր չեն արվելու: Ավելի վաղ տարածքային կառավարման և զարգացման փոխնախարար, «Մաքուր Հայաստան» հանձնաժողովի ղեկավար Վաչե Տերտերյանը հայտարարել էր, որ մոտ ապագայում Հայաստանն արդյունքներ կգրանցի աղբի տեսակավորման և վերամշակման գործում: Նա նշել էր նաև, որ մինչև տարեվերջ զգալի փոփոխություններ կլինեն: Փոխնախարարը հավելել է նաև, որ «Մաքուր Հայաստան» ծրագրի շրջանակում մոտ 1000 սուբյեկտ պայմանագիր է կնքել և օրինական կգործի աղբահանության ոլորտում: Ընթերցեք նաև.Որոշել, մոռանալ, հիշել ու կրկին մոռանալ Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Ադրբեջանագետ․ Ադրբեջանը և Թուրքիան շարժվելու են Սյունիքով արտատարածքային միջանցք պոկելու տրամաբանությամբ Նա նշել է, որ ՀՀ իշխանական խոսնակներն էլ սկսել են հեքիաթներ պատմել, որ ՀՀ-ի և Ադրբեջանի վարձած ընկերությունը անվտանգային ուղեկցում կանի Թյուրքագետ․ Ադրբեջանն ու Թուրքիան ունեն անվերջանալի պահանջներ, որոնք անդադար առաջադրվելու են մեզ «Պայմանագիր չի լինելու, փոխարենն անընդհատ առաջանալու են նոր պահանջներ՝ ամեն հաջորդն ավելի ծայրահեղ»,–գրել է նա ԱԳՆ․ Սահմանադրությունը և դրա փոփոխությունները ՀՀ ներքին գործն են՝ Բաքվի փորձերը կոպիտ միջամտություն են Նշվում է նաև, որ ՀՀ–ն պատրաստ է «ինտենսիվ աշխատել՝ առաջիկա 1 ամսում պայմանագիրն ամբողջացնելու և ստորագրելու համար» ԵՄ–ն բյուջետային աջակցություն կտրամադրի ՀՀ–ին ՝ կրթահամալիրների կառուցման և ԲՏՃՄ լաբորատորիաների համար Եվրոպական հանձնաժողովի կողմից 2023թ. դեկտեմբերին ՀՀ կառավարությանն է փոխանցվել 5 մլն եվրո, իսկ 2024 թ. մայիսին՝ 1.5 մլն եվրո |