Սվիտալսկի. ՀՀ-ԵՄ նոր համաձայնագրի ստորագրման աշախատանքներն ընթանում են բնականոն հունով 6 սեպտեմբերի 2017 - 17:17 AMT PanARMENIAN.Net - Հայաստան-ԵՄ նոր համաձայնագրի ստորագրման նախապատրաստական աշախատանքներն ընթանում են բնականոն հունով: Այդ մասին հայտարարել է Հայաստանում ԵՄ դեսպան Պյոտր Սվիտալսկին, որը նոր է վերադարձել Բրյուսելից: «Իմ ունեցած բոլոր զրույցներից դատելով՝ ամեն ինչ իր հետագծով է շարժվում: Մարդիկ ջանասիրաբար աշխատում են, որպեսզի համաձայնագիրը նոյեմբերին ստորագրվի: Մենք ամեն ինչ պատրաստում ենք, որպեսզի Բրյուսելում տեղի ունենալիք Արևելյան գործընկերության գագաթնաժողովի ժամանակ փստաթուղթը ստորագրվի»,- ասել է եվրոպացի պաշտոնյան, հայտնում է Panorama.am-ը: Անդրադառնալով այն հարցին, թե ինչու են կրթական փոխանակման ծրագրով Եվրոպա մեկնող երիտասարդները վիզայի հետ կապված դժվարություններ ունենում՝ Պյոտր Սվիտալսկին հավաստիացրել է, որ դրանում որևէ չարակամություն չպետք է փնտրել: Խոսքը զուտ ընթացակարգերի մասին է: Դեսպանը միաժամանակ հույս է հայտնել, որ կրթական ոլորտում կոռուպցիոն ռիսկերը հնարավոր նվազագույնի կհասցվեն. «Կառոպցիայի դեմ պայքարի մասին օրենքը կօգնի այդ գործում: Հայաստանն այս առումով միակ չէ: Բազմաթիվ են երկրները, որտեղ հատկապես կրթության ոլորտում առկա են կառուպցիոն ռիսկեր: Կրթությունն այն ոլորտն է, որտեղ կոռուպցիան պետք է արմատախիլ արվի: Մենք կարող ենք անել դա: Ես լավատես եմ: Ընդհանուր միջավայրը Հայաստանում լավն է»։ Մարտի 21-ին Երևանում նախաստորագրվել է Հայաստանի և Եվրոպական միության միջև Համապարփակ և ընդլայնված գործընկերության համաձայնագիրը: «Համեմատաբար կարճ ժամանակահատվածում մենք կարողացանք ավարտել Համապարփակ և ընդլայնված գործընկերության համաձայնագրի շուրջ բանակցությունները, ինչի մասին փետրվար ամսին Բրյուսելում հայտարարեցին նախագահներ Սարգսյանը և Տուսկը: Տեքստը նախաստորագրվել է, և ակնկալում ենք այն ստորագրել գալիք գագաթնաժողովի ընթացքում»,- ավելի վաղ ասել էր ԱԳ նախարար Նալբանդյանը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |