Գերփոքր գործարարները կկարողանան ենթականերին ավելի շատ աշխատեցնել և ամեն պահի ազատել աշխատանքից24 հոկտեմբերի 2017 - 14:37 AMT PanARMENIAN.Net - Լրամշակումների փուլում գտնվող Աշխատանքային նոր օրենսգիրքը մի շարք վտանգներ ունի փոքր գործատուների մոտ աշխատողների համար: Օրենքի նախագծում ընդգրկված «գերփոքր ձեռնարկատիրություններ» գործատուի նոր կարգավիճակը թույլ կտա փոքր գործատուներին չընդունել ներքին իրավական ակտեր: Նախագծի համաձայն՝ գերփոքր են համարվում այն ձեռնարկությունները, որտեղ աշխատողների միջին թիվը 6 ամսվա կտրվածքով չի գերազանցում 5-ը: Առաջարկվող նախագծով գործատուի և աշխատողի փոխհարաբերություններում մի շարք կարևոր կետեր այլևս կկարգավորվեն ոչ թե իրավական ակտերով, այլ վերջիններիս փոխհամաձայնեցմամբ: Հաշվի առնելով հայաստանյան իրականությունը՝ օրենսդրական այս նախագիծը գերփոքր գործատուներին աշխատողների նկատմամբ կամայականություններ իրականացնելու բարենպաստ միջավայր կստեղծի: Նախագծի 21-րդ հոդվածի համաձայն՝ գերփոքր ձեռնարկատիրությամբ զբաղվող գործատուի մոտ արտաժամյա աշխատանքները կարող են լինել գործատուի պահանջով կամ կողմերի համաձայնությամբ: Այլ կերպ ասած, եթե դուք աշխատում եք, օրինակ, պոնչիկ արտադրող գերփոքր ձեռնարկատիրությունում, ձեր գործատուն յուրաքանչյուր պահի կարող է պահանջել ձեզնից մի քանի ժամ կամ նույնիսկ գիշերը մնալ աշխատելու: Ավելին՝ արտաժամյա և գիշերային աշխատանքի յուրաքանչյուր ժամի համար տրվող հավելավճարի չափը նույնպես կախված կլինի գործատուի կամքից: Իսկ եթե գործի ընդունվելուց գործատուն համոզի ձեզ պայմանավորվել, որ աշխատանքի ազատելու մասին պիտի զգուշացնի, դիցուք, մեկ օր շուտ, արդեն հաջորդ օրը դուք կարող եք զրկվել աշխատանքից։ Գործատուն և աշխատողն են սահմանում նաև ամենամյա երկարացված և լրացուցիչ արձակուրդի տևողությունը, ինչը պետք է ամրագրվի նաև աշխատանքային պայմանգրում: Եվ եթե դուք դեռ աշխատում եք նույն պոնչիկի արտադրամասում, գործատուն կարող է կրճատել ձեր ամենամյա արձակուրդի տևողությունն այնքան, որքան կկամենա: Նախագծում ասվում է նաև, որ գործատուն ինքը կորոշի, թե որոշակի ժամկետով կամ անժամկետ կնքված աշխատանքային պայմանագիրը երբ կլուծարվի: Ստացվում է, որ պոնչիկի արտադրամասում, մի գեղեցիկ աշխատանքային օր գործատուն կարող է հայտնել ձեզ հաջորդ օրն այլևս գործի չգալու մասին: 2016 թվականին Հայաստանում գերփոքր ձեռնարկատիրությունների թիվը կազմել է 71․606, այստեղ աշխատողների թիվը՝ 101.584: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ԱՀԿ. Covid-19-ի ժամանակ ամբողջ աշխարհում չարաշավել է հակաբիոտիկների ընդունումը Նշվում է, որ հիվանդների 75%-ին դրանք «ամեն դեպքում» նշանակվել են Փաշինյան․ 9-րդ կետն ապաշրջափակման մասին է, Ադրբեջանը մեր ոչ մի ճանապարհ չի ապաշրջափակել Փաշինյանը շեշտել է, որ նոյեմբերի 9-ի հայտարարության մեջ չկա որևէ մի գրառում, որով ՀՀ ինքնիշխանությունը որևէ ձևով սահմանափակվում է Վարչապետ․ Այդ գործընթացի առաջնորդն Ամենայն Հայոց կաթողիկոսն է, իսկ թիվ մեկ շահառուն՝ Ռոբերտ Քոչարյանը Փաշինյանն ասել է՝ կառավարությունը չպետք է եկեղեցու գործերին միջամտի, իսկ ինքը կարող է կարծիք ասել՝ որպես անհատ Փաշինյան. ՌԴ նախագահի երդմնակալությանը մասնակցելու հրավեր, կարծես, չեմ ստացել Նա նաև ասել է, որ տարօրինակ կլիներ, եթե ՀՀ ղեկավարն ամեն տարի մասնակցեր մայիսի 9-ի շքերթին |