  «Արմֆոնիկ» նոր հեռախոս՝ երեխաների և տարեցների համար 8 դեկտեմբերի 2017 - 11:49 AMT PanARMENIAN.Net - Հայկական առաջին հեռախոսներ ու սմարթֆոններ արտադրող «Թի-Էս-Դի» ընկերությունը ստեղծել է նոր՝ «Արմֆոնիկ» պարզ լուծումներով հեռախոսը: Այն նախատեսված է երեխաների, տարեցների և տեսողական խնդիրներ ունեցող անձանց համար: Ընկերությունից հայտնում են, որ հեռախոսը վաճառքի կհանվի դեկտեմբերի 8-ից՝ 12.000 դրամ արժողությամբ: Հեռախոսը հնարավորություն է տալիս նախապես ֆիքսել 4 համար և մեկ հպումով զանգահարել նախընտրած համարին:Դրա հետևամասում տեղադրված է SOS ահազանգի կոճակ, որը հնարավոր է փոխարինել նաև օգտագործողի նախընտրած մինչև 5 հեռախոսահամարով: «Արմֆոնիկը» համալրված է լապտերով, ռադիոընդունիչով և MP3 նվագարկչով: Շնորհիվ երկարակյաց մարտկոցի ու պարզ դիզայնի՝ այն առավել հարմար է երեխաների, մեծահասակների, տեսողական (կամ հենաշարժական) խնդիրներ ունեցող մարդկանց, արշավականների և պարզապես հեռախոսային շփումը գնահատողների համար: 2016-ի հունիսին Technology and Science Dynamics (TSD) ընկերությունը վաճառքի էր հանել ArmPhone սմարթֆոնների առաջին մոդելները: Սպառողին ներկայացվել էր 5 տարբեր մոդել: Սմարթֆոնների առանձին մոդելներ մինչև 32 ԳԲ ներքին հիշողություն ունեն, Android 6.0 կամ Android 5.1 օպերացիոն համակարգ, մատնահետքի ճանաչման սենսորներ և 4G կապ։   Ուշագրավ Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել «Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ Facebook-ում նոր էմոցիան գրկախառնվող սմայլիկի տեսք կունենա Նրանք հայտնել են, որ Ucom-ի 843 աշխատակից ազատման դիմում են գրել   |  Վերջին լուրեր Երևանում 500 վերելակի փոխարինման ծրագիրը մեկնարկել է  Նոր վերելակները հարմարեցված են նաև տեսողության, լսողության և հենաշարժողական խնդիրներ ունեցող անձանց համարԱրցախում կորոնավիրուսով վարակի նոր դեպք չի գրանցվել Բժիշկները 2 հիվանդի առողջական վիճակը գնահատում են ծանր |
