Գորիսը քաղաքի մուտքը զարդարող նոր խորհրդանիշ և դիտակետ կունենա21 դեկտեմբերի 2017 - 14:48 AMT PanARMENIAN.Net - Գորիսի՝ դեպի երկինք խոյացող ժայռերը խորհրդանշող նոր հուշարձան կկառուցվի Գորիս-Ստեփանակերտ մայրուղու վրա: Այն Երևան-Գորիս մայրուղու վրա 2000-ականներին կառուցված «Զանգեր» հուշարձանի նոր մատուցումն է, որը կզարդարի քաղաքի արևելյան մուտքը: PanARMENIAN.Net ի հետ զրույցում Գորիսի համայնքապետի տեղակալ Մենուա Հովսեփյանը պատմեց, որ քաղաքի ամենահին խորհրդանիշը կառուցվել է 1980-ականներին՝ ճարտարապետ Սեվադա Զաքարյանի նախագծով, սակայն քանդվել է անկախացումից հետո: «Գորիսի պատմական շունչն արատացոլող կոթողի փոխարեն նույն վայրում 2000-ականներին կառուցվեց նորը, սակայն այն չընդունվեց գորիսցիների կողմից, քանի որ չուներ հնի խորհուրդը: Հինն ավելի հոգեհարազատ էր բնակիչներին: Անկախ այս հանգամանքից, մենք դեմ ենք որևէ կոթող քանդելուն, այսիսկ պատճառով քաղաքի մյուս մուտքի մոտ որոշեցինք կառուցել նորը՝ հնի ոգով», -ասում է Մենուա Հովսեփյանը: Նրա խոսքով՝ նախագիծը կնպաստի քաղաքի զբոսաշրջային գրավչության բարձրացմանը: Նախատեսվում է հուշարձանի մոտ դիտակետ կառուցել, որտեղից կարելի է զմայլվել քաղաքի և բնաշխարի տեսարաններով: Լինելու է նաև հանգստի գոտի: Նոր «Զանգերի» ճարտարապետը նույնպես Սեվադա Զաքարյանն է: Մեզ հետ զրույցում ճարտարապետը հայտնեց, որ շինարարական աշխատանքները նախատեսվում է ավարտին հասցնել մինչև 2018 թվականի հուլիսը: «Գորիսը 2018-ին ԱՊՀ մշակութային մայրաքաղաք է ճանաչվել: Կանենք ամեն ինչ, որ մինչև ամռանը միջոցառումների մեկնարկը կոթողը պատրաստ լինի», -ասաց Զաքարյանը: Անդրադառնալով նախագծի ճարտարապետական լուծումներին, Սեվադա Զաքարյանն ասաց, որ քարակերտ կոթողն ամբողջությամբ արտացոլելու է Գորիսի քաղաքային կոլորիտը, պատմական շունչը: Նոր «Զանգեր» նախագծի իրականացման ծախսերի 30%-ը հոգում է համայնքապետարանը, 70%-ը՝ քաղաքի բարերարներից մեկը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |