Զոհրաբյան. Կառավարության ծրագրում ասված է՝ ինչպես քանդել կոռուպցիան, վերացնել մենաշնորհը 7 հունիսի 2018 - 15:48 AMT PanARMENIAN.Net - Կառավարության ծրագրում հստակ ձևակերպված է՝ ինչպես քանդել երկրում կոռուպցիան, վերացնել մենաշնորհն ու հավասար պայմաններ ստեղծելով՝ գնալ արտահերթ ընտրությունների։ Այդ մասին ԱԺ-ում կառավարության ծրագրի քննարկման ժամանակ հայտարարել է «Ծառուկյան» խմբակցության պատագմավոր Նաիրա Զոհրաբյանն՝ արձագանքելով հանրապետականների քննադատություններին։ Կառավարության քննարկման ժամանակ ԱԺ փոխնախագահ Էդուարդ Շարմազանովն ասել է, որ ներկայացված փաստաթղթում առկա են նպատակներ, երազանքներ, ցանկություններ, բայց ոչ քաղաքական ծանրակշիռ ծրագիր: Սա նպատակների և երազանքների հուշագիր է, որտեղ չկա նպատակների իրագործման գործիքակազմ, կոնկրետ քայլերի հաջորդականություն, չկան ժամկետներ և ակնկալվող արդյունքների ցուցանիշներ, ըստ այդմ նաև քաղաքական պատասխանատվություն: «Որոշեցի թերթել վերջին տարիներին Հանրապետական բոլոր կառավարությունների այդպես էլ իրականություն չդարձած խոստումներն ու թվերը», - նշել է նա։ Զոհրաբյանը նշել է, որ իր կարծիքով ամենամեծ բլեֆը 2017-ի համար ՀՀԿ-ական վարչապետի խոստումն էր՝ 850 մլն դոլարի ներդրում բերելու մասին, որիից հետո բյուջեի ծախսային մասը ներկայացվեց որպես ներդրում. «Սա համաշխարհային տնտեսագիտության մեջ աննախադեպ ֆոկուս էր բլեֆագիտութան ժանրից։ Հիշենք հաջորդ խոստումը, որը բարեհաջող հարստացրեց հայկական քաղաքական լեգենդաբանության ժանրը՝ Իրան-Հայաստան երկաթգծի կառուցումը։ Այս հայտարարությունից անցել է 8 տարի, սակայն երկաթգիծն այդպես էլ մնաց բլեֆ, ավելին՝ ՀՀԿ-ական հերթական վարչապետն իր օրակարգում մի գեղեցիկ օր ներառեց և լուծարեց «Երկաթուղու շինարարության տնօրինություն» ՓԲԸ-ն», - նշել է նա։ Զոհրաբյանը նաև անդրադարձել է Արմեն Աշոտյանի խոստմանը, որը ԿԳ նախարար եղած տարիներին հայտարարել էր, որ յուրաքանչյուր առաջին դասարանցու տրամադրվելու է համակարգիչ։ «Այստեղ նստած նախկին մի պաշտոնյա նույն այս ամբիոնից խոստանում էր բոլոր առաջին դասարանցիներին ապահովել համակարգչով, և դա արվում էր Բոնապարտին վայել վստահությամբ», - ասել է Զոհրաբյանը։ Հունիսի 7-ին ՀՀ ԱԺ արտահերթ նիստում քննարկվում է «Կառավարության ծրագրին հավանություն տալու մասին» հարցը:ՀՀ վարչապետ Նիկոլ Փաշինյանը ասել է, թե կառավարության գործունեության համար հայեցակարգային են լինելու իշխանությունը բացառապես ժողովրդի ազատ կամարտահայտության իրավունքի վրա ձևավորելը, հանրային միությունը, ՀՀ արտաքին և ներքին անվտագության ապահովումը, անվտանգության բարձրացումը, կոռուպցիայի մերժումը, քաղաքականության և բիզնեսի տարանջատումը, տնտեսական մրցակցության ապահովումը, մարդու իրավուքների պաշտպանությունը: Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |