ԸՕ բարեփոխման հանձնաժողովը կղեկավարի Արարատ Միրզոյանը, Իոանիսյանը կլինի քարտուղարը

PanARMENIAN.Net - ՀՀ վարչապետ Նիկոլ Փաշինյանի որոշմամբ ընտրական օրենսդրության բարեփոխումների համար հանձնաժող կստեղծվի: Համապատասխան որոշումը տեղադրված է Հայաստանի Հանրապետության էլեկտրոնային կառավարման E-gov.am հարթակում:

Նշվում է, որ որոշումը կայացվում է՝ ելնելով Հայաստանի ընտրական օրենսգիրքը և ընտրական գործընթացները կարգավորող օրենսդրությունը բարեփոխելու՝ կառավարության ծրագրում ամրագրված անհրաժեշտությունից, ինչը նպատակ ունի բարձրացնել հանրային կառավարման ներառականությունն ու թափանցիկությունը:

Մշակվելու և վարչապետին է ներկայացվելու ընտրական օրենսդրության բարեփոխումների հայեցակարգը, ապահովվելու է հայեցակարգի վերաբերյալ հանրային քննարկում: Քննարկումներ են կազմակերպվելու նաև Ազգային ժողովում ներկայացված, ինչպես նաև արտախորհրդարանական քաղաքական ուժերի ներկայացուցիչների հետ՝ ներգրավելով նրանց հանձնաժողովի աշխատանքներում։

Հանձնաժողովի ղեկավարը Հայաստանի առաջին փոխվարչապետ Արարատ Միրզոյանն է լինելու, քարտուղար է նշանակվելու «Իրազեկ քաղաքացիների միավորում» խորհրդատվական հասարակական կազմակերպության ծրագրերի համակարգող Դանիել Իոաննիսյանը: