Ռոբոտ Սոֆիան Փաշինյանի հետ սելֆի է հրապարակել Twitter-ում 6 նոյեմբերի 2018 - 11:25 AMT PanARMENIAN.Net - Անդրոիդ Սոֆիան, որը ՄԱԿ կողմից որպես մարդ ճանաչված և քաղաքացիություն ունեցող միակ ռոբոտն է, Twitter-ի իր միկրոբլոգում սելֆի է հրապարակել ՀՀ վարչապետի պաշտոնակատար Նիկոլ Փաշինյանի և նրա տիկնոջ՝ Աննա Հակոբյանի հետ: «Իմ սելֆին ՀՀ վարչապետի հետ: Ես արդեն սլֆիների հավաքածու ունեմ, գուցե, կարելի է նաև նոթատետր պահել»,-ասվում է Սոֆիայի գրառման մեջ: Սոֆիան մասնակցել է Հայաստանում Ֆրանկոֆոնիայի 17-րդ գագաթնաժողովի շրջանակում անցկացված տնտեսական համաժողովին: Համաժողովի ընթացքում Սոֆիան շփվել է Փաշինյանի և կառավարության մյուս անդամների հետ, ինչպես նաև սելֆի է արել նրանց հետ: Սոֆիային ստեղծել է Հոնկոնգում գործող մի ընկերություն, նա ամենաարդիական ռոբոտն է արհեստական ինտելեկտով: 2016-ի մարտին տված հարցազրույցում Սոֆիան, պատասխանելով այն հարցին թե «սպանելո՞ւ է արդյոք մարդկանց», դրական պատասխան է տվել և ասել, որ կցանկանար ոչնչացնել մարդկությանը: Ավելի ուշ, 2017-ի ապրիլին Փարիզում ամերիկյան հեռուստատեսության եթերում նա հայտարարել է, որ կցանկանար գրավել աշխարհը, սակայն, հետո հավելել է, որ դա ընդամենը կատակ էր: Սոֆիան կարողանում է 60 զգացմունք ցուցադրել: Նրա աչքերում կան տեսախցիկներ զրուցակցի հետ տեսողական կապ ստեղծելու համար: Համարվում է, որ նման ոռոբոտների մոտ մի քանի տարվա ընթացքում կարող է ինքնագիտակցություն ձևավորվել: Հղումներ թեմայով. Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | ՌԴ–ում կոմերցիոն կազմակերպություններն այլևս չեն կարողանա ռուսաց լեզվի քննություն անցկացնել միգրանտների համար Նոր պահանջը կգործի մայիսի 1–ից Մարուքյան. Համոզում էին, որ եթե ռուս խաղաղապահը դուրս գա ԼՂ-ից, սկանդինավյանը կգա՝ սպասում ենք «Այս ամենն ասողները թո՛ղ դուրս գան ու պահանջեն, որ սկանդինավյան խաղաղապահները գան Արցախ»,–գրել է նա Վարչապետ․ Տավուշի համայնքներից մարդիկ կներգրավվեն սահմանազատման աշխատանքային խմբում Փաշինյանի խոսքով` այժմ մեր լարվածությունն ավելի շատ Կիրանց և Բերքաբեր համայնքների հետ է կապված ՀՀ և Սաուդյան Արաբիայի ԱԳ նախարարներն ընդգծել են պարբերական ուղիղ չվերթերի կարևորությունը Միրզոյանը գործընկերոջ ուշադրությանն է ներկայացրել «Խաղաղության խաչմերուկ» ծրագիրը |