// IP Marketing video - START// IP Marketing video - END

Ադրբեջանում դատում են գերեվարված Կարեն Ղազարյանին

Ադրբեջանում դատում են գերեվարված Կարեն Ղազարյանին

PanARMENIAN.Net - Նոյեմբերի 6-ին Ադրբեջանում, Գյանջայի ծանր հանցագործությունների դատարանում սկսվել է ՀՀ Բերդավան գյուղի գերեվարված բնակիչ Կարեն Ղազարյանի գործով դատավարությունը: Նրան մեղադրում են «ահաբեկչական գործողություն կատարելու փորձի մեջ»:

Նախնական նիստում ճշտվել են կասկածյալի անձնական տվյալները: Դատավարությունը նշանակված է նոյեմբերի 20-ին, գրում է «Մեյդան ՏՎ»-ին:

Ադրբեջանի պաշտպանության նախարարությունը Կարեն Ղազարյանին ներկայացնում է որպես «դիվերսիոն խմբի անդամ», մինչդեռ 1984 թվականին ծնված Ղազարյանն առողջական խնդիրներ ունի և երբևէ չի ծառայել բանակում:

Ադրբեջանում ձերբակալված Կարեն Ղազարյանը Տավուշի մարզի Բերդավան համայնքի բնակիչ է, որին ադրբեջանցիները ձերբակալել էին հուլիսի 15-ին ու ներկայացնում էին իբրեւ դիվերսանտի։ Հայկական կողմը հերքել է այդ հաղորդումը, ընդգծելով՝ Կարեն Ղազարյանը որևէ առնչություն չունի բանակի հետ, առողջական խնդիրներ ունի և դեռևս 2013-ց հաշվառված է համապատասխան բուժհաստատությունում:

Ավելի վաղ ՀՀ ՊՆ խոսնակ Արծրուն Հովհաննիսյանը ֆեյսբուքյան իր էջում գրել է, որ պաշտպանության նախարար Դավիթ Տոնոյանը՝ հանդիսանալով Գերիների, պատանդների և անհայտ կորածների միջգերատեսչական հանձնաժովի նախագահ, դիմել է ԿԽՄԿ երևանյան գրասենյակ ՀՀ քաղաքացի Կարեն Ղազարյանի վերադարձի կազմակերպման համար։«ԿԽՄԿ Երևանյան գրասենյակը զգուշացված է Կարեն Ղազարյանի առողջական խնդիրների վերաբերյալ», - հայտարարել է ՀՀ ՊՆ խոսնակը։

 Ուշագրավ
Կառավարությունը դեկտեմբերի 6-ի նիստում համապատասխան համաձայնագիրը հաստատվել է
Նշվում է նաև, որ Բելառուսի և Ադրբեջանի միջև կնքվող ռազմական պայմանագրերի ծավալները, գործարքների գումարները շատ հաճախ գաղտնի են պահվում