«Խաչված որպես մի նոր Հիսուս». «Լուսավոր Հայաստանից» թեկնածուն իր բանաստեղծությունն է արտասանել (վիդեո)

 28 նոյեմբերի 2018 - 13:21 AMT

PanARMENIAN.Net - «Լուսավոր Հայաստան» կուսակցության համամասնական ցուցակի երրորդ համար, լրագրող Արման Բաբաջայանը, ընտրողների հետ հանդիպմանն արտասանել է իր գրած բանաստեղծությունը, հայտնում է Factor TV-ն:

Ինչ էլ լինի այս աշխարհում,

Դավեր, վշտեր ու արհավիրք,

Լույս կլինի երկրի մովում ու հավերժող մի Հայրենիք,

Գողգոթայի միջից անցած, խաչված՝ որպես մի նոր Հիսուս,

Այս աշխարհի մեգերն ընկած, փայփայում ենք գալիք ու հույս,

Ինչ էլ լինի, ինչ էլ տեսնենք՝ նոր Գողգողթա անգամ ելնենք,

Հյուլե դառնանք, կապրենք էլի,

Ինչ էլ լինի, մենք կհառնենք, մեր հողերը նորեն կառնենք,

Որքան դավ է մեր թշնամին,

Կհառնի նորեն հավերժ Նաիրին:

Նոյեմբերի 26-ին մեկնարկել է արտահերթ խորհրդարանական ընտրությունների նախընտրական քարոզարշավը, որը կտևի 12 օր: