Ծառուկյանի հայտարարագիրը․ $3 մլն-անոց մատանի, մոտ $196 մլն, 8 հողամաս, 13 մեքենա 4 դեկտեմբերի 2018 - 12:11 AMT PanARMENIAN.Net - Դեկտեմբերի 9-ին կայանալիք ընտրությունների նախաշեմին պատգամավորության թեկնածուները ներկայացրել են իրենց ունեցվածքի հայտարարագրերը։ Թեկնածուների թվում է նաև «Բարգավաճ Հայաստան» կուսակցության նախագահ, գործարար Գագիկ Ծառուկյանը։ Ըստ հայտարարագրի, 2017 թ․ նոյեմբերի 1-ից 2018 թ․ նոյեմբերի 1-ը Գագիկ Ծառուկյանի և իր կնոջ՝ Ջավահիրի եկամուտները շահաբաժնից, աշխատավարձից, տված փոխառություններից ստացված տոկոսներից ու այլ գործարքներից, Ծառուկյանը հայտարարագրել է շուրջ 4․207 մլրդ դրամ, 1,8 մլն եվրո և $333: Հայտարարագիրը ներկայացնելու օրվա դրությամբ Ծառուկյանն ուներ $161․3 մլն, 29.073 մլն եվրո և 678,509,000 դրամ (մոտ $1.404 մլն) դրամական միջոցներ։ Դրանց հանրագումարը՝ 2018 թ․ միջին փոխարժեքով՝ մոտ $195.806.784։ Նշված գումարից բացի, Ծառուկյանը բաժնեմասեր ունի 45 ընկերությունում, այդ թվում՝ «Արարատցեմենտում», «Կոտայք» գարեջրի գործարանում, «Երևանի Արարատ կոնյակի գինու գործարանում», «Օնիրա Քլաբում», «Զվարթնոց Հենդլինգում» ու տասնյակ այլ կազմակերպություններում։ Դրանց արժեքը չի նշվում։ 8 մլն դրամ արժեքը գերազանցող գույքի թվում Ծառուկյանը թվարկել է 930,235 եվրո ընդհանուր արժողությամբ կահույքի 11 կոմպլեկտ, 251,799 եվրո արժողությամբ վարագույր, $1,8 մլն ընդհանուր արժեքով 6 ժամացույց (2-ը $0․5 մլն, 2-ը $0․3 մլն, 2-ը՝ $0․1 մլն արժողությամբ), $100 հազար արժողությամբ ոսկե շղթա ու 3 մատանի՝ $3 մլն, $1 մլն ու %0.7 մլն արժողությամբ։ Թվարկած գույքի ընդհանուր արժեքն է մոտ $7․846 մլն։ Անշարժ գույքի թվում հայտարարագրվել է 8 հողամաս՝ 35,2 հա ընդհանուր մակերեսով, և մոտ 7560 քառակուսի մետր մակերեսով 5 շինություն։ Ծառուկյանը հայտարարագրել է նաև 13 մեքենա՝ 2 Rolls Royce Phantom 6.7, 1 Bentley Bentayga, 2 Toyota Land Cruiser 200, 1 Toyota Land Cruiser Prado, 2 BMW X5 (1-ը՝ M կոմպլեկտացիայով), Mercedes G63 AMG, Toyota Tundra, Jeep Wrangler, Range Rover Sport, Nissan Patrol։ Անշարժ գույքն ու մեքենաները հայտարարագրված են որպես համատեղ սեփականություն։ Կարդացեք նաև․ Եկամուտ «Ալեքսանդրից», 2 բնակարան Կենտրոնում. Վիգեն Սարգսյանի ունեցվածքը   Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում   Ամենաընթերցվողը բաժնում |  Վերջին լուրեր Հունաստանում վառվել է Օլիմպիադայի կրակը  Գերագույն քրմուհու դերում անտիկ հանդերձանքով հանդես է եկել դերասանուհի Մերի ՄինանEvocabank-ը 10 մլն դրամ է նվիրաբերել ՀՀ-ում «Ոզնի» ֆինանսական գրագիտության մրցաշարի իրականացմանը Մրցույթն օգնելու է աշակերտներին զարգացնելու ֆինանսական ոլորտի գիտելիքներըՊՆ. «Ուրալի» վթարի հետևանքով ծայրահեղ ծանր վիճակում գտնվող զինծառայողի մոտ դրական դինամիկա կա Այս մասին ասել է ՊՆ մամուլի քարտուղարըԱԺ-ն մեկ րոպե լռությամբ հարգել է ցեղասպանության ենթարկված բոլոր ժողովուրդների զոհերի հիշատակը Նիստին ներկա էր նաև Հայաստանում Ֆրանսիայի արտակարգ և լիազոր դեսպանը |
