«Yandex.Քարտեզները» պատահաբար բացահայտել է Թուրքիայի և Իսրայելի գաղտնի օբյեկտները

«Yandex.Քարտեզները» պատահաբար բացահայտել է Թուրքիայի և Իսրայելի գաղտնի օբյեկտները

PanARMENIAN.Net - Ռուսական «Yandex.Քարտեզներ» ծառայությունը պատահաբար բացահայտել է Թուրքիայի և Իսրայելի հարյուրավոր գաղտնի օբյեկտների ճշգրիտ տեղակայումը, այդ թվում ՆԱՏՕ-ի 2 ռազմակայանի: Այդ մասին հայտնել է Ամերիկյան գիտնականների ֆեդերացիայի (FAS) աշխատակից Մեթ Քորդան, իսկ նրա հետազոտությունը հրապարակվել է կազմակերպության կայքում:

Մասնավորապես, նա հայտնաբերել է, որ ռուսական ծառայության քարտեզների վրա հստակ պարագծով «լղոզված են» որոշ տեղանքներ Իսրայելում և Թուրքիայում: Համադրելով դրանք Google Earth-ի հետ, նա կարողացել է բազում ռազմական օբյեկտներ առանձնացնել, այդ թվում՝ մեծ ռազմական օդանավակայաններ, բունկերներ, շենքեր քաղաքներում, որոնք նշված չեն Google-ի ծառայությունում, իսկ մի մասը գաղտնի է: Ընդհանուր առմամբ հայտնաբերվել է մոտ 300 այդպիսի վայր, գրում է ՌԻԱ Նովոստին:

Ըստ Քորդայի, այդ «լղոզումները» ճշգրիտ նշում են Թուրքիայի և Իսրայելի յուրաքանչյուր ռազմական օբյեկտի, ինչպես նաև ՆԱՏՕ-ի 2 ռազմակայանի, գտնվելու վայրը: ՆԱՏՕ-ի նշված ռազմակայաններն են՝ ՆԱՏՕ-ի ցամաքային հրամանատարությունն Իզմիրում և Ինջիրլիկ ավիաբազան, որտեղ տեղակայված է ԱՄՆ միջուկային զենքի ամենամեծ արսենալը երկրի սահմաններից դուրս:

Սակայն, քարտեզում չկա ոչ մի այդպիսի ռուսական ռազմական օբյեկտ: Բացի այդ, Սիրիայի տարածքը շատ ցածր որակով է ներկայացված և որևէ բան տեսնել գրեթե անհնար է:

Քորդան նշել է նաև, հատվածները լղոզված են, գուցե Իսրայելի և Թուրքիայի զինվորականների պատվերով, սակայն, տեղանքը քողարկելու այդ եղանակը հազիվ թե կարելի է հաջոված համարել, դա միայն ավելորդ ուշադրություն է սևեռում այդ օբյեկտներին:

 Ուշագրավ
«Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ
Facebook-ում նոր էմոցիան գրկախառնվող սմայլիկի տեսք կունենա
Նրանք հայտնել են, որ Ucom-ի 843 աշխատակից ազատման դիմում են գրել
Հարցը գտնվում է քննարկման փուլում, իրականացվում են ուսումնասիրություններ և վերլուծություններ