Պուտինը շնորհավորել է Փաշինյանին. Հանդիպումը սկսվել է

Պուտինը շնորհավորել է Փաշինյանին. Հանդիպումը սկսվել է

PanARMENIAN.Net - Դեկտեմբերի 27-ին Մոսկվայում մեկնարկել է Հայաստանի Հանարապետության վարչապետի պաշտոնակատար Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի հանդիպումը: Այս մասին ֆեյսբուքյան իր էջում հայտնել է Փաշինյանի մամուլի քարտուղար Արման Եղոյանը:

«Սպուտնիկի» հայաստանյան ծառայության փոխանցմամբ՝ Պուտինը շնորհավորել է Փաշինյանին դեկտեմբերի 9-ին կայացած արտահերթ խորհրդարանական ընտրություններում նրա առաջնորդած «Իմ քայլը» դաշինքի հաղթանակի առթիվ, մաղթել հաջողություն:

Պուտինը նաև ընդգծել է, որ պետք է պահպանել հայ-ռուսական հարաբերությունների զարգացման դինամիկան բոլոր ոլորտներում, այդ թվում՝ անվտանգության ոլորտում, մասնավորապես, ՀԱՊԿ-ի շրջանակում:

Փաշինյանն իր հերթին պատրաստակամություն է հայտնել շարունակել ՌԴ-ի հետ գործակցությունը բոլոր ուղղություններով, այդ թվում՝ ԵԱՏՄ շրջանակում: Նա նաև հրավիրել է Պուտինին Հայաստան:

Ավելի վաղ Հայաստանի Հանարապետության վարչապետի պաշտոնակատար Նիկոլ Փաշինյանն աշխատանքային այցով Մոսկվա է մեկնել:

 Ուշագրավ
ՍԴ ղեկավարը վարաչապետից ներողություն և հերքում է պահանջում
Նամակում նշվում է, որ հայկական կողմի աջակցությունը կորոնավիրուսի դեմ պայքարում իր ազդեցությունն է ունենում բարձր մակարդակում փոխադարձ վստահության վրա
ՏԿԵ նախագծով առաջարկվում է զարգացնել ավագանու ինստիտուտը, 4000-ից ավելի ընտրող ունեցող համայնքներում անցնել համամասնական ընտրակարգի
Սերժ Սարգսյանի թիկնազորի նախկին պետ Վաչագան Ղազարյանն ու կինն ամբողջությամբ հատուցել են պետությանը պատճառված վնասը