Իրանն ու ՌԴ-ն քննարկել են էլցանցերի միացման հնարավորությունը

Իրանն ու ՌԴ-ն քննարկել են էլցանցերի միացման հնարավորությունը

PanARMENIAN.Net - Իրանի և ՌԴ էներգետիկայի նախարարներ Ռեզա Արդաքանիանն ու Ալեքսանդր Նովակը հեռախոսազրույց են ունեցել, որի ժամանակ քննարկել են երկու երկրների էլեկտրական ցանցերի միացման հնարավորությունը Հայաստանի և Վրաստանի, կամ Ադրբեջանի տարածքով:

Հեռախոսազրույցը տեղի է ունեցել մարտի 11-ին: Այդ մասին հայտնել է Իրանի էներգետիկայի նախարարությունը:

«Հեռախոսազրույցի ընթացքում նախարարները քննարկել են Իրանի և Ռուսաստանի էլեկտրացանցերի միացումը՝ Ադրբեջանի, Վրաստանի և Հայաստանի տարածքով, «Սիրիկ» ջերմաէլեկտրակայանի 4 բլոկերի շինարարությունը և այլ հարցեր»,-ասվում է Իրանի էներգետիկայի նախարարության հաղորդագրության մեջ, հայտնում է ՌԻԱ Նովոստին:

Ավելի վաղ հայտնի դարձավ, որ իրանական կողմն առաջարկել է Հայաստանին էլեկտրաէներգիայի ու գազի տարանցման համագործակցություն ծավալել Վրաստանի և Ռուսաստանի հետ: Այդ մասին լրագրողներին ասել էր վարչապետի մամուլի քարտուղար Վլադիմիր Կարապետյանը:«Կա պայմանավորվածություն՝ ապրիլին քառակողմ հանդիպում կազմակեպել Թեհրանում», - նշել էր նա:

 Ուշագրավ
Ռոբերտ Մենենդեսը, կրկին անգամ Սենատում բարձրացրել էր Հայոց ցեղասպանության ճանաչման բանաձևը
Փաստաթուղթը վավերացրել է ԵՄ անդամ 28 երկրներից 17-ը
Վարչապետն ասել է, որ ամեն ամիս իր աշխատավարձից 10,000 դրամ է փոխանցելու հիմնադրամին
Նշվում է, որ ցածր սակագների պատճառով ՀՀ-ից արդեն հեռացել է մեկ այլ ռուսական էներգետիկ ընկերություն՝ «Ինտեր ՌԱՕ»-ն