Օտարերկյա ՏՏ ընկերություններին հարկային արտոնություն չեն տա․ Նպատակը տեղականներին պաշտպանելն է22 ապրիլի 2019 - 11:56 AMT PanARMENIAN.Net - «Տեղեկատվական տեխնոլոգիաների ոլորտի պետական աջակցության մասին» ՀՀ օրենքում փոփոխություններ մասին նախագծից հանվել է ՏՏ ոլորտի հայաստանյան ընկերությունների դժգոհությունը հարուցած դրույթը: ԱԺ-ում օրինագծի ներկայացման ժամանակ հիմնական զեկուցող, տրանսպորտի, կապի և ՏՏ նախարար Հակոբ Արշակյանը նշել է, որ նախագիծն առաջին ընթերցմամբ ընդունվելուց հետո լրամշակվել է: «Նաև նախագծից հանվել են օտարերկրյա պետություններում գրանցված կազմակերպությունների կողմից ՀՀ-ում հիմնադրված ՏՏ ոլորտի դուստր ընկերություններին հարկային արտոնություններ տրամադրելու վերաբերյալ դրույթները: Սահմանվել է, որ բացի հավաստագրմած ներկայացրած ընկերությունների ցանկից, հրապարակման է ենթակա հավաստագիր ստանալու համար դիմումով դիմած, սակայն մերժում ստացած ընկերությունների ցանկը»,- ասել է Արշակյանը: ԱԺ «Լուսավոր Հայաստան» խմբակցության պատգամավոր Գևորգ Գորգիսյանը մտքերի փոխանակման ժամանակ նշել է, որ շատ ողջունելի է այն ամբողջ ընթացակարգը, որով քննարկվել է օրենքի նախագիծը: «Ողջունելի է, որ կառավարությունը լսեց մեր միջոցով բարձրացված ոլորտի ներկայացուցիչների խնդիրները և ի վերջո որոշվեց հանել օրենքից այն խնդրահարույց դրույթը, որի մասին մտահոգություն էին հայտնում և ոլորտի ներկայացուցիչները, և մենք էինք այս ամբիոնից բարձրաձայնում. խոսքը՝ օտարերկրյա դուստր կազմակերպություններին այստեղ նույն արտոնություններ տալն էր, ինչ տեղական սկսնակ ընկերություններին»,- ասել է պատգամավորը: Ավելի վաղ ՀՀ կառավարությունը որոշել էր հարկային արտոնություն տրամադրել նաև ՀՀ-ում հիմնադրված ՏՏ ոլորտի դուստր ընկերություններին: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը Սանոսյանն ու Կոպիրկինը քննարկել են ՀԱԷԿ-ի 2-րդ էներգաբլոկի շահագործման երկարաձգման հարցը Քննարկվել են նաև ենթակառուցվածքների զարգացման հարցեր Փակվել է Աղդամի ռուս–թուրքական մշտադիտարկման կենտրոնը Կենտրոնը բացվել էր 2021–ի հունվարի 30-ին Թուրքիայի և ՌԴ-ի միջև ստորագրված հուշագրի հիման վրա ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելուն |