Դեսպան. ՌԴ-ն հարգանքով է վերաբերվում ՀՀ-ում իրադարձություններին

Դեսպան. ՌԴ-ն հարգանքով է վերաբերվում ՀՀ-ում իրադարձություններին

PanARMENIAN.Net - Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինը ՀՀ արդարադատության նախարար Ռուստամ Բադասյանի հետ հանդիպմանն ասել է, որ իր երկիրը հարգանքով է վերաբերվում Հայաստանում տեղի ունեցող իրադարձություններին:

Նախարարության տեղեկատվության և հասարակայնության հետ կապերի վարչության փոխանցմամբ, դեսպանը նշել է, որ ՌԴ-ն պատրաստ է զարգացնել երկու երկրի միջև գործակցությունը տարբեր ուղղություններով:

Հանդիպման ընթացքում նախարարն ու դեսպանը քննարկել են ՀՀ-ում հակակոռուպցիոն և դատաիրավական ոլորտներում նախատեսվող բարեփոխումները, մասնավորապես՝ պաշտոնատար անձանց գույքի, եկամուտների, ծախսերի հայտարարագրման ինստիտուտի կատարելագործում, դատավորի նկատմամբ կարգապահական վարույթ հարուցելու հիմքերի հստակեցում և այլ հարցեր:

 Ուշագրավ
Նալբանդյանն ավելի վաղ համաձայնել էր տեսակապով զրուցելուն
Ըստ ԼՀԿ-ի՝ միջադեպը և դրան հաջորդած մեկնաբանությունները վկայում են կառավարող թիմի անհանդուրժողականության մասին
«Իմ քայլը» խմբակցության ղեկավարն իրենց անունից ներողություն է խնդրել միջադեպի համար
Քրեադատավարական գործընթացն արդեն սկսվել է, նախապատրասվում են նյութեր