  ԱԳ նախարար. Ուրուգվայը ՀՀ համար շատ կարևոր, հուսալի գործընկեր է 14 օգոստոսի 2019 - 13:19 AMT PanARMENIAN.Net - Ուրուգվայը Հայաստանի համար շատ կարևոր, հուսալի գործընկեր է: Այդ մասին Ուրուգվայի ԱԳ նախարար Ռոդոլֆո Նին Նովոայի հետ համատեղ մամուլի ասուլիսի ժամանակ հայտարարել է ՀՀ ԱԳ նախարար Զոհրաբ Մնացականյանը՝ հավելելով, որ Ուրուգվայը յուրաքանչյուր հայի մոտ նաև մեծ էմոցիոնալ զգացում է առաջացնում։ Նախարարը հավելել է, որ սա այն երկիրն է, որը դեռևս 1965-ին ճանաչեց Հայոց ցեղասպանությունը և 2004-ին օրենքով էլ ավելի ամրապնդեց այդ ճանաչման փաստը, հայտնում է Panorama.am-ը: ՀՀ ԱԳ նախարարը նշել է, որ Ուրուգվայի հետ միջպետական հարաբերությունները հիմնվում են համընդհանուր արժեքների վրա՝ ժողովրդավարություն, մարդու իրավունքներ, խաղաղություն, և այդ առումով համատեղ նպատակներն առաջա տանելու համատեղ գերակայութայն վրա, որի համար համագործակցում են նաև միջազգային հարթակներում։ Ուրուգվայն աջակցում է Հայաստանի այն ջանքերին, որոնք ուղղված են ցեղասպանության կանխարգելմանը։ Նախարարը նշել է, որ երկկողմ օրակարգում անդրադարձ է եղել հարաբերությունների բազմաթիվ հարցերի, քաղաքական երկխոսության շարունակականությանը, Ուրուգվայի մոտ 20 հազարանոց հայ համայնքի դերին՝ որպես 2 երկրների հարաբերություններում կամուրջի։ «20 հազար հայը ոչ միայն նվիրված քաղաքացիներ են Ուրուգվայի և մասնակցում են երկրի սոցիալ-տնտեսական քաղաքական, գիտական կյանքին, այլ նաև մնում են հավատարիմ իրենց ինքնությանը՝ որպես հայ»,-ասել է ՀՀ ԱԳ նախարարը։ Կողմերը կարևորել են նաև խորհրդարանական մակարդակում շփումների ակտիվությունը, նշվեց, որ ձևավորված է միջխորհրդարանական բարեկամության խումբը։ԱԳ նախարարները քննարկել էին նաև միջազգային օրակարգի տարբեր հարցեր։ «Ներկայացրեցի Լեռնային Ղարաբաղի խաղաղ կարգավորման հարցում ՀՀ դիրքորոշումներն ու դրանց տրամաբանությունը։ Վերահաստատեցի, որ ԼՂ բնակչության, մեր հայրենակիցների անվտանգությունը եղել և մնում է գերակա մեր մոտեցումներում, ինչպես նաև դրանից բխող ստատուսի հարցը»,-ասել է ԱԳ նախարարը՝ հավելելով, որ խաղաղ կարգավորումն այլընտրանհք չունի։ ԱԳ նախարարը նաև նշել է, որ այս շաբաթվա ընթացքում Երևանում կբացվի Ուրուգվայի գլխավոր հյուպատոսություն, որի շուրջ քննարկումները եղել էին Նյու Յորքում նախորդ տարի։   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները  Սա տեքստի 9-րդ խմբագրությունն էԹունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսըՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ըԲողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |
