Վերսկսվում է Մարտի 1-ի գործով դատավարությունը․ Դատարանի մոտ 2 ցույց է 12 սեպտեմբերի 2019 - 12:55 AMT PanARMENIAN.Net - Երևանի ընդհանուր իրավասության դատարանում վերսկսվում է Մարտի 1-ի գործով դատաքննությունը, որով որպես մեղադրյալ է անցնում 2-րդ նախագահ Ռոբերտ Քոչարյանը ու այլ բարձրաստիճան պաշտոնյաներ։ Մայիսին Քոչարյանին ազատ արձակելու որոշում կայացրած դատավոր Դավիթ Գրիգորյանի լիազորությունների կասեցումից հետո գործը մակագրվել է դատավոր Աննա Դանիբեկյանին։ Դատարանի մոտ միաժամանակ 2 ցույց է ընթանում․ մի կողմից, Քոչարյանի աջակիցներն են, որոնք պահանջում են ազատ արձակել 2-րդ նախագահին, այդ թվում, վկայակոչելով Սահմանադրական դատարանի որոշումը։ Մյուս կողմից, Քոչարյանի հակառակորդներն են, որոնք պահանջում են ազատ չարձակել նրան։ Քոչարյանը մեղադրվում է սահմանադրական կարգի տապալման մեջ։ Սեպտեմբերի սկզբին Սահմանադրական դատարանը մասնակի բավարարել էր 2-րդ նախագահի պաշտպանների դիմումը՝ հակասահմանադրական ճանաչելով քրեական դատավարության օրենսգրքի 35-րդ հոդվածը, որում ներառված չէր Սահմանադրության ուժով հատուկ պաշտպանությամբ օժտված անձանց գործառութային անձեռնմխելիությունը։ Պաշտպանները դրա հիման վրա պահանջում են դադարեցնել Քոչարյանի հետապնդումը։ Մարտի 1-ի գործով մեղադրյալի կարգավիճակ ունեցողների թվում են ԳՇ նախկին պետ Յուրի Խաչատուրովը, պաշտպանության նախկին նախարարներ Միքայել Հարությունյանը և Սեյրան Օհանյանը, նախկին փոխվարչապետ Արմեն Գևորգյանը։   Ուշագրավ Կատարվող փոփոխություններով հստակեցվում են ՀԱՊԿ-ում դիտորդ և գործընկեր լինելու ընթացակարգերը Մշակվել է արդարադատության նախարարության կողմից Օսիպյանը միաժամանակ նշել է, որ ցանկացած գործ ունի իր սահմանափակումները   Ամենաընթերցվողը բաժնում |  Բաժիններ թեմայով Վերջին լուրեր Քոչարյանի աջակիցների կողմից քաղաքացուն ծեծելու դեպքով քրգործ կա  Քրեական գործը ոստիկանությունից արդեն ուղարկվել է Շենգավիթ վարչական շրջանի քննչական բաժին՝ հետագա քննության |
