Նորարար տեխնոլոգիաներն ու բիզնեսի զարգացումը. «Կոկա-Կոլա Հելլենիկը» կիսվել է փորձով WCIT 2019-ին10 հոկտեմբերի 2019 - 17:01 AMT PanARMENIAN.Net - «Կոկա-Կոլա Հելլենիկ» ընկերությունը մասնակցել է Երևանում կայացած 23-րդ Տեղեկատվական տեխնոլոգիաների համաշխարհային համաժողովին՝ WCIT-ին: «Կոկա-Կոլա Ընկերությունը» աջակցել է համաժողովի կազմակերպման աշխատանքներին, ներկայացրել կայուն զարգացման մոտեցումները, իսկ «Կոկա-Կոլա Հելլենիկ» Խմբի Ռազմավարության, նորարարության և առևտրային լուծումների գծով տնօրեն Գալիպ Օնարը՝ համալրել WCIT 2019-ի շրջանակում անցկացվող թեմատիկ նիստերի խոսնակների թիմը: Business interrupted՝ բիզնեսում նորարար տեխնոլոգիաների կիրառման և ընկերությունների զարգացման համար դրանց կարևորությանն անդրադարձող քննարկման ժամանակ Գալիպ Օնարը խոսել է Կոկա-Կոլա Համակարգի ընկերություններում կիրառվող նորարար լուծումների, նպատակների, հնարավորությունների մասին:
«Տեխնոլոգիաների կիրառումն այսօր անհարժեշտ է յուրաքանչյուր ընկերությանը՝ անկախ ոլորտից: Մենք ձգտում ենք տեխնոլոգիական նորարարություններն ու դրանց առավելությունները հասանելի դարձնել մեր սպառողների համար: Նորարարությունը մեր շարժիչ ուժն է: Նորարար լուծումնմերը խթանում են բիզնեսը: Մրցակցային լինելու համար պետք է հետևել տեխնոլոգիաների զարգացմանը, դիտարկել նորարար գաղափարներ և բարձրացնել դրանց ներկայությունը մեր շուկաներում», - նշել է Գալիպ Օնարը: «Կոկա-Կոլա Հելլենիկ» Խմբի 28 երկրում նորարարության և տեխնիկական գործընթացները համակարգող փորձագետը կիսվել է փորձառությամբ՝ ընդգծելով ընկերություններում կիրառվող նորարար և թվային տեխնոլոգիաների շնորհիվ սպառողների հետ կապի ամրապնդման ու ծառայությունների բարելավման հնարավորությունները: «Նորարության երկու ուղղություն ունենք, մեկն ապրանքների նորարարությունն է, մյուսը տեխնոլոգիական: Երկուսն էլ փոխկապակցված են և անհրաժեշտ՝ մեր սպառողներին լավագույն փորձառություն մատուցելու համար: Մեզ համար կարևոր է, որ յուրաքանչյուր սպառող օրվա ցանկացած պահին մեր ապրանքատեսականիում կարողանա գտնել իր համար ցանկալի ըմպելիք, իսկ դրա համար նորարար լուծումների կիրառումը պարտադիր է», - ասել է ընկերության տնօրենը:
Բիզնեսի զարգացմանը զուգահեռ, նորարար տեխնոլոգիաները ընդլայնում են նաև ընկերության կորպորատիվ պատասխանատվության ծրագրերի հնարավորությունները՝ մասնավորապես բարելավելով թափոններիի վերամշակման և ջրային ռեսուրսների պահպանման գործընթացները: Կայուն զարգացման մոտեցումները մշտապես գտնվում են ընկերության ուշադրության կենտրոնում: Համաժողովի ընթացքում նույնպես «Կոկա-Կոլա Հելլենիկ Արմենիան» առիթը բաց չի թողել անդրադառնալ թափոնների վերամշակմանը: Ընկերությունը տրամադրել է պլաստիկի և թղթի սորտավորման հատուկ աղբամաններ, կազմակերպիչներին աջակցելով՝ հավաքագրել և այնուհետև վերամշակել համաժողովի ընթացքում գոյացած թափոնները: Հայաստանում «Կոկա-Կոլա Հելլենիկ Արմենիա» ընկերությունը գործում է 1996-ից: Բիզնես գործունեությունից զատ, ընկերությունը հատուկ ուշադրություն է դարձնում կորպորատիվ սոցիալական պատասխանատվությանը: Թափոնների վերամշակմանը, ջրային ռեսուրսների կառավարմանը, երիտասարդների և համայնքների զարգացմանը, ինչպես նաև երկրի տնտեսական կայունությանն ուղղված նախագծերը մշտապես ընկերության ուշադրության կենտրոնում են: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |