Փաշինյանը՝ ԱՄՆ Սենատի որոշման մասին. Հիրավի՝ պատմական իրադարձություն

Փաշինյանը՝ ԱՄՆ Սենատի որոշման մասին. Հիրավի՝ պատմական իրադարձություն

PanARMENIAN.Net - ՀՀ վարչապետ Նիկոլ Փաշինյանն արձագանքել է ԱՄՆ-ի Սենատի կողմից Հայոց ցեղասպանության ընդունմանը` որակելով այն որպես պատմական իրադարձություն:

«ԱՄՆ Սենատը միաձայն ընդունել է Հայոց ցեղասպանությունը ճանաչող և դատապարտող բանաձևը:Հիրավի՝ պատմական իրադարձություն»,-ասվում է վարչապետի ֆեյսբուքյան գրառման մեջ:

Վարչապետը գրառում է կատարել նաև Twitter-ի իր միկրոբլոգում՝ ԱՄՆ Սենատի որոշումն անվանելով ճշմարտության և արդարության հաղթանակ:

«ԱՄՆ Սենատի թիվ 150 բանաձևը ճշմարտության և արդարության հաղթանակն է: Համայն հայության անունից մեր խորին երախտագիտությունն եմ հայտնում Սենատին այս դարակազմիկ բանաձևի համար»,-գրել է Փաշինյանը:

Թուրքիայի արտգործնախարարությունը հայտարարություն է տարածել ԱՄՆ-ի Սենատի կողմից Հայոց ցեղասպանության ընդունման կապակցությամբ՝ նշելով, որ որոշումը «զուրկ է պատմական ու իրավական հիմքից» և իրենց համար որևե իրավական ուժ չունի ու ոչինչ չի պարտավորեցնում:

Դեկտեմբերի 12-ին ԱՄՆ սենատն ընդունել է Հայոց ցեղասպանությունը ճանաչող բանաձև։ Սենատորներ Ռոբերտ Մենենդեսի և Թեդ Կռուզի կողմից ներկայացված թիվ 150 բանաձևը, որն ընդունվել է միաձայն:Հոկտեմբերի վերջին Ցեղասպանությունը ճանաչող բանաձևն ընդունել էր Կոնգրեսի Ներկայացուցիչների պալատը։ Սակայն Սենատում բանաձևը վետոյի էր հանդիպել:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---