Մանվել Գրիգորյանը կմնա կալանքի տակ. Վերաքննիչը մերժել է պաշտպանների բողոքը

16 դեկտեմբերի 2019 - 12:08 AMT

PanARMENIAN.Net - Վերաքննիչ դատարանը մերժել է ԵԿՄ նախկին նախագահ, գեներալ լեյտենանտ Մանվել Գրիգորյանի խափանման միջոցի հարցով նրա պաշտպանների բողոքը: Այս մասին հաղորդում է Factor.am-ը:

Մանվել Գրիգորյանը կշարունակի մնալ կալանքի տակ:

Երևանի ընդհանուր իրավասության դատարանի դատավոր Մնացական Մարտիրոսյանը նոյեմբերի 5-ին մերժել էր Գրիգորյանի նկատմամբ ընտրված խափանման միջոց կալանավորումը գրավով փոխարինելու միջնորդությունը, որից հետո պաշտպանները Վերաքննիչ դատարան բողոք էին ներկայացրել:

Մանվել Գրիգորյանը մեղադրվում է ապօրինի կերպով զենք-զինամթերք պահելու, 101 մլն ՀՀ դրամի գույք յուրացնելու, 1.2 մլրդ ՀՀ դրամի հարկերի վճարումից խուսափելու, պետական միջոցներից 1.2 մլրդ ՀՀ դրամ վատնելու և շորթմամբ 37 մլն ՀՀ դրամ արժողությամբ գույքի հափշտակությունը կազմակերպելու մեջ:

Հղումներ թեմայով.

Factor.am. Դատարանը մերժեց Մանվել Գրիգորյանի պաշտպանների Վերաքննիչ բողոքը Ամբողջական հոդվածը կարող եք կարդալ այս հասցեով՝ https://factor.am/207949.html © factor.am