Վարչապետ. Կառավարական խորհրդարանական համակարգը չի փոխվի, կիսանախագահականն անպատասխանատու է

Վարչապետ. Կառավարական խորհրդարանական համակարգը չի փոխվի, կիսանախագահականն անպատասխանատու է

PanARMENIAN.Net - Կիսանախագահական համակարգը պետության կառավարման անպատասխանատու համակարգ է, այն մեր երկիրը ձախողած համակարգ է, հայտարարել է վարչապետ Նիկոլ Փաշինյանը՝ անդրադառնալով Սահմանադրական փոփոխություններին:

«Իմ կարծիքով՝ այս տարբերակն ընդհանրապես ՀՀ համար պետք է բացառել, այս «կիսա» տարբերակն առհասարակ պետք է բացառել: Մենք կա՛մ պետք է ունենանք ամբողջական խորհրդարանական համակարգ, կա՛մ ամբողջական նախագահական: Իմ կարծիքը հետևյալն է՝ կառավարման համակարգը չպետք է փոխենք առնվազն այնքան ժամանակ, քանի դեռ չենք համոզվել, որ այս կառավարման համակարգը մեզ համար պրոբլեմ է», - ասել է Փաշինյանը:

Նա նշել է, որ դեռևս խորհրդարանական կառավարման մոդելը նոր է ու դեռ խնդիրների առաջ չի կանգնեցրել: Վարչապետի խոսքով՝ Սահմանադրական փոփոխությունների հիմնական նպատակը պետք է լինի դատական համակարգի համապատասխանեցումն այսօրվա քաղաքական իրողություններին:

Ավելի վաղ վարչապետ Փաշինյանն առաջարկել էր ձևավորել Սահմանադրական բարեփոխումների մասնագիտական հանձնաժողով, որտեղ կընդգրկվեն արդարադատության նախարարը, Մարդու իրավունքների եվրոպական դատարանում Հայաստանի ներկայացուցիչը, ՄԻՊ-ը, նաև դատավորների ընդհանուր ժողովը 1 անդամ պետք է ներկայացնի, կազմում կլինեն 6 իրավաբան գիտնականներ, հասարակական կազմակերպությունների 2 ներկայացուցիչ, մեկական ներկայացուցիչ էլ՝ խորհրդարանական յուրաքանչյուր խմբակցությունից: Հանձնաժողովը պետք է քննարկի ՀՀ-ում Սահմանադրական փոփոխություններին առնչվող հարցեր:

 Ուշագրավ
Նալբանդյանն ավելի վաղ համաձայնել էր տեսակապով զրուցելուն
Ըստ ԼՀԿ-ի՝ միջադեպը և դրան հաջորդած մեկնաբանությունները վկայում են կառավարող թիմի անհանդուրժողականության մասին
«Իմ քայլը» խմբակցության ղեկավարն իրենց անունից ներողություն է խնդրել միջադեպի համար
Քրեադատավարական գործընթացն արդեն սկսվել է, նախապատրասվում են նյութեր