Դեսպան. ՌԴ-ն շատ զգուշավոր է վերաբերվում ՀՀ ներքաղաքական կյանքին

Դեսպան. ՌԴ-ն շատ զգուշավոր է վերաբերվում ՀՀ ներքաղաքական կյանքին

PanARMENIAN.Net - Ռուսաստանը շատ զգուշավոր է վերաբերվում այն բոլոր իրադարձություններին, որոնք ծավալվում են Հայաստանի ներքաղաքական կյանքում, ասել է Հայաստանում ՌԴ դեսպան Սերգեյ Կոպիրկինը` պատասխանելով ՀՀ երկրորդ և երրորդ նախագահներ Ռոբերտ Քոչարյանի և Սերժ Սարգսյանի հանդեպ քրեական հետապնդմանը և ՍԴ-ի ու ՍԴ նախագահ Հրայր Թովմասյանի շուրջ զարգացումներին:

«Մենք շահագրգռված ենք, որ այստեղ կայունություն և առավելագույն հասարակական փոխըմբռնում լինի։ Մենք, իհարկե, շահագրգռված ենք նաև, որ այն ուժերը, որոնք հասկանում են հայ-ռուսական հարաբերությունների, մեր ռազմավարական փոխգործակցության կարևորությունը՝ ծանրակշիռ դեր խաղան երկրի ներքաղաքական կյանքում»,- ասել է դեսպանը, գրում է «Առավոտը»:

Առհասարակ, դեսպանը համոզված է, որ երկու երկրի միջև լավ հարաբերություններն այսօր էլ են պահպանվում:

«Սա երկու եղբայրական երկրի, ժողովուրդների դարավոր հարաբերություններ են, որոնց շատ բան է միավորում` թե մշակույթի, թե պատմության, թե հոգեբանության առումով»։

Երկկողմ լավ հարաբերությունները, ըստ դիվանագետի, արտացոլվում են բարձր մակարդակի և բավական ինտենսիվ քաղաքական երկխոսությամբ, տնտեսական գործակցության զարգացմամբ, անվտանգության ոլորտում գործակցության մակարդակի բարձրացմամբ:

 Ուշագրավ
Երկու երկրի միջև բեռնափոխադրումներն իրականացվում են անխափան
Դիտարկմանը, թե Սարգսյանը Բելգիայում խոսել է ՀՀ-ում խնդիրներից, ԼՂ հարցից, ներքաղաքական զարգացումներից՝ Մակունցը նշել է, որ ինքը դա մտահոգիչ չի համարում
ՍԴ ղեկավարը վարաչապետից ներողություն և հերքում է պահանջում
Նամակում նշվում է, որ հայկական կողմի աջակցությունը կորոնավիրուսի դեմ պայքարում իր ազդեցությունն է ունենում բարձր մակարդակում փոխադարձ վստահության վրա