Վարչապետ. Քարոզարշավը կդադարեցվի, եթե անհրաժեշտ լինի

Վարչապետ. Քարոզարշավը կդադարեցվի, եթե անհրաժեշտ լինի

PanARMENIAN.Net - Վայոց Ձորի Զառիթափ համայնքում Սահմանադրական հանրաքվեին ընթառաջ «Այո»-ի քարոզարշավ իրականացնող վարչապետ Նիկոլ Փաշինյանը հայտարարել է, որ անհրաժեշտության դեպքում այն կդադարեցնի։

«Որևէ քաղաքական նպատակ չի կարող լինել ավելի բարձր, քան Հայաստանի Հանրապետության քաղաքացիների առողջությունը և անվտանգությունը։ Եթե մենք կզգանք, որևէ բան էն չի, չենք թողնի որևէ մեկը մեզնից առաջ որևէ որոշում կայացնի, այդ մասին կիրազեկենք»,- ասել է նա, տեղեկացնում է Panorama.am-ը:

Վարչապետը ներկաներին հորդորել է հետևել առողջապահության նախարարության խորհուրդներին, լինել զգոն, բայց խուճապի չմատնվել։

Առողջապահության նախարար Արսեն Թորոսյանը, իր հերթին, անդրադառնալով շարունակվող քարոզարշավի նպատակահարմարությանը, ասել էր, որ որոշումները կայացվում են ժամային ռեժիմով, ցանկացած պահի կարող է այլ որոշում կայացվել և չի բացառվում, որ որևէ սահմանափակող միջոցառում լինի, այդ թվում՝ հանրային հավաքների հետ կապված:

ՀՀ-ում մարտի 12-ի դրությամբ կորոնավիրուսով վարակի 4 դեպք կա, նրանցից միայն մեկն ունի գանգատներ, բուժում է ստանում: Վարակակիրները վերադարձել էին Իտալիայից. նրանցից երկուսը ՀՀ քաղաքացի են, մեկը՝ Իտալիայի, որն աշխատում է ՀՀ-ում: Վարակվածների հետ շփում ունեցած 57 անձ մեկուսացվել է:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---