Փոխնախարար․ Շահառուն կարող է Կառավարության վարկային աջակցության ծրագրին առցանց դիմել 1 ապրիլի 2020 - 16:20 AMT PanARMENIAN.Net - Կառավարության կողմից փոքր ու միջին բիզնեսին կորոնավիրուսի տնտեսական հետևանքները մեղմելու նպատակով տրվող աջակցության մասին հարցնել և ծրագրին դիմել հնարավոր է Ներդրումների աջակցման կենտրոնի ներքո գործող թեժ գծով և կայքի «Դիմում» կոճակով, հայտնել է Էկոնոմիկայի փոխնախարար Նաիրա Մարգարյանը։ Յուրաքանչյուր հայտատու, ով համապատասխանում է պահանջներին, կարող է հենց առցանց հայտով դիմել։ Շահառուները կարող են ներբեռնել իրենց վարկային դրական պատմության մասին փաստող տվյալներ, առցանց ներկայացնել հարկային հաշվետվություն և լրացնել պահանջվող այլ տվյալներ, որից հետո լրացված տեղեկությունները պետք է հաստատվեն հայտատատուի էլեկտրոնային ստորագրությամբ։ Հայտն ուղարկելուց 2 օր հետո Ներդրումների աջակցության կենտրոնը կապ կհաստատի և կհաղորդի՝ որքանով է շահառուն համապատասխանում ծրագրին։ Փոխնախարար Մարգարյանը նշել է նաև, որ բիզնեսին աջակցման կարիքները գնահատելիս հասկացել են՝ կա խորհրդատվական աջակցության կարիք, և որոշվել է անցկացնել վեբինարներ։ Ապրիլի 1-ին մեկնարկում է 20 վեբինարի շարք, որոնք նախատեսված են բիզնեսին խորհրդատվություն տրամադրելու համար: Վեբինարի ընթացքում գրանցված մասնակիցները կարող են հարցեր ուղղել խորհրդատուին, նախագծի մասին տեղեկություններ կարելի է ստանալ էկոնոմիկայի նախարարության կայքում, ֆեյսբուքյան էջերում։ Վեբինարները կձայնագրվեն և հասանելի կլինեն նաև հետագայում։ ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Երկրում մինչև մարտի 31-ը սահմանված տեղաշարժման խիստ սահմանափակումներն առնվազն 10 օրով երկարաձգվել են: Հայաստանում ապրիլի 1-ի առավոտվա դրությամբ կորոնավիրուսով վարակի դեպքերի թիվը հասել է 571-ի` նախորդ օրվա համեմատ ավելանալով 39-ով: Ապաքինվել է 31 անձ, մահացել՝ 3։ Կորոնավիրուսի տնտեսական հետևանքները մեղմելու համար կառավարությունը աջակցության 8 փաթեթ է մշակել՝ 4-ը տնտեսական, մնացածը՝ սոցիալական բնույթի։ Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով: Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |