Ալեն Սիմոնյանի և Արթուր Դանիելյանի միջև միջադեպքը կքննի ՀՔԾ-ն

Ալեն Սիմոնյանի և Արթուր Դանիելյանի միջև միջադեպքը կքննի ՀՔԾ-ն

PanARMENIAN.Net - ԱԺ փոխնախագահ Ալեն Սիմոնյանի և ընդդիմադիր ակտիվիստ Արթուր Դանիելյանի միջև ապրիլի 29-ի միջադեպը կքննի Հատուկ քննչական ծառայությունը։ Այդ մասին հայտարարել է գլխավոր դատախազ Արթուր Դավթյանը։

«Քրեադատավարական գործընթացն արդեն սկսվել է, նախապատրասվում են նյութեր, հաղորդումներ են ներկայացվել անձանց կողմից։ Իմ կողմից հանձնարարվել է, որպեսզի այդ նյութերը ՀՔԾ փոխանցվեն և այդ դեպքի հետ կապված գնահատականը կտրվի ՀՔԾ-ում», - ասել է դատախազը, գրում է Aysor.am-ը։

Դիտարկմանը, թե հաշվի առնելով, որ Ալեն Սիմոնյանն ընդունել է, որ առաջինն ինքն է հարվածել՝ կա արդյոք անհրաժեշտություն նրա նկատմամբ քրգործ հարուցելու և պատգամավորական անձեռնմխելիությունից զրկելու՝ դատախազն արձագանքել է, որ կարծիք չի հայտնի։

«Արարքների վերջնական գնահատականների համար ես կարծիքներ չեմ հնչեցնի, որովհետև կկաշկանդեմ դատավարական սուբյեկտներին»,- ասել է նա։

Ապրիլի 29-ին Սիմոնյանը և Դանիելյանն ընդհարվել էին։ Դանիելյանի մտերիմներից Կոստանտին Տեր-Նակալյանը հայտնել է, թե ԱԺ փոխխոսնակը հարձակվել է փողոցում զբոսնող Դանիելյանի վրա։ ԱԺ պատգամավոր Արման Բաբաջանյանը, իր հերթին, հայտնել է, որ Սիմոնյանը հարձակման է ենթարկվել։ Ինքը՝ Սիմոնյանը «Ազատություն» ռադիոկայանին հայտնել է, որ Դանիելյանը սեռական բնույթի հայհոյանքներ է հնչեցրել, ինչից հետո ծեծկռտուք է սկսվել։

 Ուշագրավ
Ըստ ԼՀԿ-ի՝ միջադեպը և դրան հաջորդած մեկնաբանությունները վկայում են կառավարող թիմի անհանդուրժողականության մասին
«Իմ քայլը» խմբակցության ղեկավարն իրենց անունից ներողություն է խնդրել միջադեպի համար
Միրզոյանը նշել է, որ պետությունն ու եկեղեցին անջատ են ու պետք է չխառնվեն իրար գործերին
Երկու երկրի միջև բեռնափոխադրումներն իրականացվում են անխափան