Փաշինյան․ Վիճակը վատանում է, այս տեմպով՝ 1 մլն բնակչության դեպքերով կհասնենք Իտալիային

Փաշինյան․ Վիճակը վատանում է, այս տեմպով՝ 1 մլն բնակչության դեպքերով կհասնենք Իտալիային

PanARMENIAN.Net - Կորոնավիրուսի հետ կապված իրավիճակը ՀՀ-ում շարունակում է վատթարանալ, Հայաստանը 1 մլն բնակչությանը բաժին ընկնող դեպքերով արդեն անցել է Իրանի և Ֆրանսիայի ցուցնաիշներն ու հասել ՌԴ-ին, հայտարարել է վարչապետ Նիկոլ Փաշինյանը։

Նրա խոսքով՝ նման տեմպով շուտով կհասնենք Իտալիայի ցուցանիշին։

«Համաճարակի տարածման այսպիսի տեմպն ինքնաբերաբար բերում է ծանր և ծայրահեղ ծանր դեպքերի, մահացության աճի։ Նման իրավիճակի պատճառը հակահամաճարակային կանոնների համատարած չպահպանումն է և քաղաքացիների կողմից՝ համաճարակային ահազանգերին պատշաճ լրջությամբ չվերաբերելը»,- ասել է վարչապետը։

Փաշինյանը կոչ է արել կրել դիմակներ՝ նշելով, որ դրանք կարող են կյանքեր փրկել։ Նա նշել է, որ այս հարցում ամբողջ աշխարհում շփոթություն է եղել, այս պարագայում բոլորը սովորում են համավարակի դեմ արդյունավետ պայքարի միջոցները։

Հայաստանում մայիսի 29-ի դրությամբ կորոնավիրուսով վարակի դեպքերը հասել են 8676-ի, վիրուսից մահացածների ընդհանուր թիվը 120 է, առողջացել է 3297 պացիենտ։

 Ուշագրավ
Նա այժմ բուժում է կորոնավիրուսով վարակված ծայրահեղ ծանր պացիենտներին
Նախարարը կոչ է արել ինքնաբուժմամբ չզբաղվել և հետևել միայն բժիշկների խորհուրդներին
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը
Վարչապետի խոսքով՝ ձեռքերի կանոնավոր լվացման, դիմակի կրման և սոցիալական հեռավորության պահպանման դեպքում համաճարակային իրավիճակը ոչ միայն կբարելավվի, այլ նաև կձգտի 0-ի