Քերոբյանը՝ Ամուլսարի մասին․ Պոտենցիալ 1-ին հարկատուին ասում ենք` «մի բացվիր»15 դեկտեմբերի 2020 - 16:59 AMT PanARMENIAN.Net - Ամուլսարի հանքը կարող է դառնալ Հայաստանի համար 1 հարկատուն, սակայն մենք ասում ենք «մի բացվիր», հայտարարել է էկոնոմիկայի նախարար Վահան Քերոբյանը, փոխանցում է «Ազատություն» ռադիոկայանը։ Նախարարը նշել է, թե ինքը չի տեսել Ամուլսարի բնապահպանական վնասների մասին մանրամասն հաշվետվություն ու չի կարդացել այդ մասին։ Ամուլսարի հանքի շահագործմանը ՀՀ-ում դեմ են բնապահպաններն ու հանքի հարակից գյուղերի բնակիչները։ Նրանք 2019-ի օգոստոսից շրջափակել էին հանքի տարածքը, փակել մուտքն ու կանգնեցրել հանքի շահագործման գործընթացը։ Բնապահպան-ակտիվիստները հանքի պաշտպանության համար 2020-ի ամռանը ևս ակցիաներ ու հավաքներ էին իրականացնում։ Անդրադառնալով Սոթքի հանքի հետ կապված դեպքին (հանքի մի մասը մնացել է Ադրբեջանին հանձնվող Քարվաճառի շրջանում, խմբ․)՝ Քերոբյանը նշել է, թե ՀՀ-ում երկրի 4-րդ հարկատու հանքը կորցնելիս, «կարելի է ասել՝ վայնասուն ենք բարձրացնում», ցավոտ ենք ընդունում, սակայն պոտենցիալ առաջին հարկատունին ուղղակի չենք թողնում բացվի։ «Ամուլսարը կարող է դառնալ համար 1 հարկատուն, իրեն ասում ենք` «դու մի բացվիր»։ Ես մարդկանց առողջությունը շատ բարձր եմ դասում ու համարում եմ, որ մեր տնտեսությունը պետք է զարգացնենք հնարավորինս «կանաչ ձևով», բայց նաև պետք է հաշվի առնենք, որ հիմա այնպիսի տարածաշրջանային միջավայրում ենք, որ իրավունք չունենք մեզ անհարկի ճոխություններ թույլ տալ։ Ես չեմ ուզում ասել, որ Ամուլսարը պետք է բացվի կամ չբացվի, դա մի որոշում է, որտեղ պետք է համադրվի տնտեսական, համայների ու բնապահպանական շահերը, որոնք հավասարազոր են»,-հայտարարել է նախարարը։ Քերոբյանն Էկոնոմիկայի նախարարի պաշտոնը զբաղեցրել է 44-օրյա պատերազմից հետո։ Պաշտոնը զբաղեցնելուց հետո նա մի քանի անգամ անդրադարձել է ՀՀ-ում տնտեսական ցուցանիշներն ավելացնելու ուղիների մասին։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը Փաշինյանին քրեական պատասխանատվության ենթարկելու պահանջով հաղորդումը դատախազությունում է Հաղորդումը կազմել են փաստաբան Արա Զոհրաբյանը և պահեստազորի գնդապետ Հայկ Նահապետյանը Փաստաբան․ Սուրեն Պետրոսյանին մեղադրանք չի առաջադրվել՝ պետք է որ ազատ արձակվի Լրանում է Պետրոսյանի ձերբակալման 72 ժամը |