Խաչատուր Սուքիասյանը գնում է RAN Oil-ի բաժնեմասերը 19 փետրվարի 2021 - 14:37 AMT PanARMENIAN.Net - Գործարար, «Սիլ կոնցեռնի» սեփականատեր Խաչատուր Սուքիասյանը գնում է բենզինի, վառելիքի շուկայում հայտնի RAN Oil ընկերության բաժնեմասերը։ Տեղեկությունը հաստատել է Սուքիասյանի խոսնակ Աննա Մկրտչյանը։ RAN Oil-ի միակ բաժնետերը Ռոբերտ Գալուստյանն է՝ ընկերությունը զբաղվում է բենզինի, վառելիքի, քսայուղերի վաճառքով, նաև մեծածախ բազաներ ունի։ RAN Oil-ը Երևանում ունի 11 բենզալցակայան, նաև ներկայացնում է «Ջի էներջի» ավտոտեխսպասարկման ցանցը։ Տնտեսական մրցակցության պաշտպանության պետական հանձնաժողովի՝ 2020-ի համապատասխան ուսումնասիրությունում բենզին և վառելիք ներմուծողների ցանկում RAN Oil-ը չկա։ Սա նշանակում է, որ ընկերությունը բենզին կամ վառելիքի այլ տեսակներ գնում է խոշոր ներմուծողներից՝ «Ֆլեշ»-ից, «Սիփիէս օյլ»-ից, «Մաքս պետրոլ»-ից կամ «Պլատինում օյլ»-ից, գրում է Civilnet-ը։ Մկրտչյանը` պատասխանելով հարցին, թե որքան է արժեցել RAN Oil-ը ձեռք բերելու գործարքը, ասել է՝ ներկայում մանրամասներ հաղորդել չի կարող, երբ գործարքը վերջնականացնեն, համապատասխան հայտարարություն կտարածեն։ Մկրտչյանը նաև տեղեկացրել է, որ դեռ 2017-ին «Սիլ կոնցեռնի» մեջ մտնող ընկերություններից մեկը շատ փոքր քանակով սկսել է բենզին ու ավիակերոսին ներմուծել։ RAN Oil-ը հիմնվել է 1993 թվականին։ Ընկերության միակ բաժնետերը Ռոբերտ Գալուստյանն է: Ընկերությունը զբաղվում է բենզինի, վառելիքի, քսայուղերի վաճառքով, նաև մեծածախ բազաներ ունի։ Փետրվարի 19-ին Գալուստյանը «Ժողովուրդ» օրաթերթին հայտնել էր՝ ընկերությունը մասամբ է վաճառել Սուքիասյանին, որոշ բաժնեմասեր կշարունակի պահպանել։   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու  Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդելԶախարովա․ Պուտին–Փաշինյան հանդիպման օրակարգում են Հրվ. Կովկասում խաղաղության և անվտանգության ապահովոման հարցեր Նա նաև ասել է, որ Մոսկվան ողջունում է Ադրբեջանի և Հայաստանի ԱԳ նախարարների Ալմաթիում կայանալիք հանդիպումըԱդրբեջանցիները Շուշիի ավերված հայկական եկեղեցիների միջնամասում մզկիթ են կառուցում Նրանք փորձում են ամբողջությամբ փոխել քաղաքի հայկական դիմագիծըՊեսկովը՝ ԵԱՏՄ–ից ՀՀ–ի դուրս գալու հավանականության մասին. ԵԱՏՄ–ն առաջանցիկ զարգացում է ապահովում անդամների համար Նա հավելել է, որ դա բխում է անդամ երկրների շահերից |
