Մարզպետ․ Տավուշում արտառոց ոչինչ չի եղել ու չկա, փորձել են խուճապ մտցնել 9 մարտի 2021 - 12:35 AMT PanARMENIAN.Net - Տավուշում արտառոց ոչինչ տեղի չի ունենում, կեղծ տեղեկություններ տարածողները պղտոր ջրում ձուկ որսացողներ են, նման տեղեկությունների համար բացարձակ հիմք չկա, հայտարարել է Տավուշի մարզպետ Հայկ Չոբանյանը՝ հավելելով, որ այդ լուրերի տարածումն անձնական վիրավորանք են իր ու տավուշցիների նկատմամբ։ Ավելի վաղ մամուլում ու սոցցանցերում տեղեկություն էր տարածվել, թե Տավուշում «մոտ 500 ռուս խաղաղապահներ և ադրբեջանցիներ սահմանի երկայնքով չափագրումներ են անում», այդ լուրը հերքվեց ՊՆ-ի ու մարզպետարանի կողմից։ Հերքվել է նաև լուրը, թե Տավուշի Ազատամուտ համայնքում ադրբեջանցիները սահմանային չափագրումներ են անում։ Ավելի ուշ սոցցանցերում տեղեկություն էր տարածվել, թե Իջևանի ու Շամշադինի ճակատային հատվածում թուրք-ադրբեջանական ծանր տեխնիկայի կուտակումներ են՝ թուրքական դրոշներով, իբրև Տավուշի 3-րդ բանակային կորպուսում հայտարարված է տագնապ, իսկ 102-րդ ռազմաբազայից ռուս զինվորականները Տավուշի տվյալ հատվածում են: Պաշտպանության նախարարությունը այս տեղեկությունները նույնպես հերքեց՝ հորդորելով զերծ մնալ ապատեղեկատվություն տարածելուց: «Որևէ արտառոց բան չի եղել և չկա՝ բացի նրանից, որ երեկ փորձել են խուճապ մտցնել այդ տարածքներում: Ցավոք սրտի, մենք այդ երևույթը չենք կարողացել հաղթահարել: Հուսով եմ, որ այսօր ևս համայնքներում իրականացվող աշխատանքների շնորհիվ, մեդիադաշտում հրապարակումների շնորհիվ մենք այդ խուճապը կարող ենք իջեցնել և հնարավորություն տալ մարդկանց, որպեսզի զբաղվեն բուն գործով, զբաղվեն երկիրը կառուցելով, զբաղվեն իրենց աշխատանքով, և խաղաղություն տիրի մեր համայքներում, մեր բնակիչների մոտ, որը կար վերջին ամիսների ընթացքում»,-ասել է Չոբանյանը, փոխանցում է «Հայկական ժամանակը»։ 44-օրյա պատերազմից հետո հայկական կողմը տարածքային զիջումների է գնացել, Ադրբեջանին են փոխանցվել հայկական որոշ տարածքներ, Սյունիքում ու Գեղարքունիքում GPS-ի միջոցով սահմանազատման աշխատանքներ են տարվել, որոշ բնակավայրերից հողակտորներ ու տներ են մնացել ադրբեջանական կողմին։ Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | ՔՊ–ականը՝ ընդդիմադիրներին․ Ընկել եք Տավուշի հետևից, ռուս խաղաղապահների համար տեղակայման վա՞յր եք փնտրում «Դուք դրան եք լծված հիմա»,– ասել է նա Կինոյի զարգացմանն ուղղված գործընթացները կկանոնակարգվեն «Հայաստանի ազգային կինոկենտրոնը» կվերակազմավորվի «Հայաստանի կինոյի հիմնադրամի» Ընդդիմադիր պատգամավորները դեսպաններին փակ հանդիպման կհրավիրեն «Նպատակն է ճշտել, թե ի՞նչ պատկերացում ունեն այդ երկրները Հայաստանում ստեղվծած իրավիճակի վերաբերյալ»,- նշել է Աբրահամյանը Մարուքյան․ Տավուշի ժողովրդի անկեղծ բողոքն օտար միջամտությանը վերագրելն ուղղակի խայտառակություն է «Գործակալների մի խումբ եթերից եթեր է վազում ու պիտակավորում անկեղծ պայքարող մարդկանց ու հոգևորականներին»,–նշել է նա |