Ընդդիմադիր պատգամավորներն ԱԺ-ում պահանջել են պատասխանատվության ենթարկել առողջապահության ԺՊ-ին 3 հունիսի 2021 - 18:34 AMT PanARMENIAN.Net - Ընդդիմադիր և անկախ պատգամավորները, ԱԺ ամբիոնից դատապարտելով Աբովյանի դատաբժշկական կենտրոնում դիերի և մասունքների ոչ պատշաճ պահման պայմանները, պահանջել են պատասխանատվության ենթարկել առողջապահության նախարարի պաշտոնակատարին։ Մասնավորապես, դա է պահանջել անկախ պատգամավոր Սոֆյա Հովսեփյանը։ «Իմ քայլի» նախկին անդամ, «Պատիվ ունեմ» դաշինքի ներկայացուցիչ Թագուհի Թովմասյանն իր հերթին ասել է, որ միայն ներողությունները բավարար չեն և որ զինվորների մարմինները ոչ պատշաճ պայմաններում պահելn ուղերձ է, որ որևէ մեկը չցանկանա զոհվել հայրենիքի համար: Նա նշել է, որ մարտի դաշտում մարդիկ երբեմն զոհել են իրենց՝ իրենց ընկերների մարմինները հանելու համար, որպեսզի դրանք չանարգվեն թշնամու կողմից։ «Սա իշխանության վերաբերմունքն է պատերազմում զոհված տղաների նկատմամբ։ Ո՞րն է պետության մեսիջը` որ վաղը լրացնելու եք դատարկ պարկերը անտեր սենյակներում․․․ Սա ամենավատ բանն էր, որ կարող էր տեղի ունենալ, և կարծում եմ, որ այս մասով միայն ներողությունները բավարար չեն»,- ասել է Թովմասյանը։ Իսկ ԲՀԿ-ական Միքայել Մելքումյանը, դիմելով նախագծի զեկուցող առողջապահության փոխնախարար Գևորգ Սիմոնյանին, հորդորել է վերադասի հետ միասին հրաժարական տալ։ Ավելի վաղ համացանցում լուրեր էին տարածվել, թե Աբովյանի տուբերկուլոզի հիվանդանոցի «դիահերձարանի հատակին հարյուրավոր զինվորների մարմիններ են պահվում» պոլիէթիլենային տոպրակներով։ Նաև լուսանկարներ են հրապարակվել։ Առողջապահության նախարարությունը, արձագանքելով տեղեկություններին, պաշտոնապես հայտնեց, որ Աբովյանի մասնաճյուղում գտնվող մի քանի մասունք ու դիակ կա, որոնք փորձաքննված և նույնականացված են։ Առողջապահութան նախարարի պաշտոնակատար Անահիտ Ավանեսյանը, անդրադառնալով դիերի և մասունքների ոչ պատշաճ պահման փաստին, գրել էր, որ ուզում է նախ ներողություն խնդրել բոլոր հարազատներից: Ավելի ուշ զոհված զինծառայողների ծնողների կողմից արված տեսանյութը հրապարակվեց Աբովյանի տուբերկուլոզի հիվանդանոցի դիահերձարանից, որտեղ նրանք նշում են, որ «դիերը նեխել են»։   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր Սանոսյանն ու Կոպիրկինը քննարկել են ՀԱԷԿ-ի 2-րդ էներգաբլոկի շահագործման երկարաձգման հարցը  Քննարկվել են նաև ենթակառուցվածքների զարգացման հարցերՓակվել է Աղդամի ռուս–թուրքական մշտադիտարկման կենտրոնը Կենտրոնը բացվել էր 2021–ի հունվարի 30-ին Թուրքիայի և ՌԴ-ի միջև ստորագրված հուշագրի հիման վրաԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելունԵվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ |
