Փաշինյանը մոտ ապագայում Մակրոնին Երևան է հրավիրել

PanARMENIAN.Net - Վարչապետ Նիկոլ Փաշինյանը Ֆրանսիայի նախագահական ընտրություններում հաղթանակի և պաշտոնում վերընտրվելու կապակցությամբ Էմանուել Մակրոնինհղած շնորհավորական նամակուկ հույս է հայտնել մոտ ապագայում հյուրընկալել վերջինիս Երևանում։

«Մոտ ապագայում Ձեզ Երևանում հյուրընկալելու սպասումով՝ կրկին շնորհավորում եմ վստահ հաղթանակի կապակցությամբ՝ մաղթելով ամենայն հաջողություն», ասվում է ուղերձում։

Ուղերձում նշվում է նաև, որ ֆրանսիացի ժողովրդի վստահության քվեն նախագահի պաշտոնում նախորդ տարիների Ֆրանսիայի նախագահի կատարած ծավալուն աշխատանքի ամենաբարձր գնահատականն է, ինչը վերահաստատում է ընտրած քաղաքական ուղեգծի հաջողությունը։

«Համոզված եմ՝ Ձեր վերընտրությունը գալիք հնգամյակի ընթացքում նոր լիցք կհաղորդի Հայաստանի ու Ֆրանսիայի միջև առանձնաշնորհյալ հարաբերություններին և հնարավորություն կտա հաջողությամբ շարունակել միասին համաձայնեցված մեր համատեղ ծրագրերը, այդ թվում՝ երկկողմ տնտեսական հարաբերությունների աշխուժացմանն ուղղված ջանքերը։

Հայաստանը բարձր է գնահատում ԵԱՀԿ Մինսկի խմբի համանախագահի կարգավիճակում Ֆրանսիայի դերակատարումը մեր տարածաշրջանում երկարաժամկետ խաղաղություն հաստատելու հարցում և հույս հայտնում, որ այն շարունակական կլինի նաև Ձեր նախագահության երկրորդ հնգամյակի ընթացքում»,-ասվում է ուղերձում։

Էմանուել Մակրոնը ՀՀ է այցելել 2018-ին Ֆրանկոֆոնիայի գագաթնաժողովի կապակցությամբ: Նա հայտարարել էր, որ երկկողմ այցով կվերադառնա Հայաստան։2021-ին Փարիզ կատարած աշխատանքային այցի ժամանակ Փաշինյանը հայտարարել էր, որ Ֆրանսիայի նախագահի այցը ՀՀ նախատեսված էր դեռ 2020-ին, սակայն չի կայացել կորոնավիրուսի պատճառով և որ 2021-ի աշնանը Մակրոնին սպասում է Երևանում: