Պուտին․ ՀՀ և Ադրբեջանի միջև կայուն խաղաղության կարելի է հասնել միայն եռակողմ հայտարարությունների կատարմամբ28 հոկտեմբերի 2022 - 16:57 AMT PanARMENIAN.Net - ՌԴ նախագահ Վլադիմիր Պուտինը ՀԱՊԿ անդամ երկրների ղեկավարների գագաթնաժողովում հայտարարել է, որ Հայաստանի և Ադրբեջանի միջև կայուն խաղաղության ապահովման հնարավոր կլինի հասնել պայմանավորվածությունների երկուստեք հետևողական կատարման արդյունքում։ «Անկասկած, խաղաղութան տանող միակ հնարավոր և իրատեսական ճանապարհը ենթադրում է ՌԴ, ՀՀ և Ադրբեջանի ղեկավարների հայտնի եռակողմ հայտարարությունների բոլոր դրույթների անշեղորեն կատարումը»,-ասել է նա, գրում է ՌԻԱ Նովոստին։ Նա հիշեցրել է, որ խոսքը հայ-ադրբեջանական սահմանի սահմանազատման, տրանսպորտային հաղորդակցությունների ապաշրջափակման և հումանիտար խնդիրների լուծման մասին է։ «Մենք ՀՀ վարչապետի հետ էլ ենք այդ մասին շատ խոսել, և, ինչպես հասկանում եմ, մեր գործընկերը լիովին համամիտ է դրան։ Հարցն այն է, թե ինչպես գտնել այդ լուծումները, այդ ամենը հեշտ չէ, բայց գտնել դրանք կարելի է միայն այդ ճանապարհին։ Հետագայում դա թույլ կտա հասնել խաղաղ պայմանագրի կնքմանը»,-ասել է Պուտինը, գրում է Sputnik Արմենիան։ Նա նշել է նաև, որ ՌԴ-ն ավանդաբար և պատմականորեն միշտ ուշադրությունէ դարձրել կայունությանը կովկասյան ուղղությունում և աջակցել է հայ ժողովրդին ու նրա անվտանգությանը։ Նա նաև ընդգծել է, որ Ռուսաստանն անում է ամեն հնարավորը ՀՀ և Ադրբեջանի միջև հարաբերությունների համակողմանի և համապարփակ կարգավորման համար, հայտնում է ՌԻԱ Նովոստին։ «Բոլորին հասկանլի է, բոլորի համար ակնհայտ է՝ և Ադրբեջանը, և Հայաստանը, ինչպես և Ռուսաստանը, բոլորը մեկ միասնական պետության մաս են եղել։ Մենք հսկայական քանակի կապեր ունենք և Երևանի, և Բաքվի հետ և դա հաշվի չառնել ուղղակի հնարավոր չէ»,-ասել է Պուտինը։ Ըստ նրա, վիճակը և Հայաստանում, և Ադրբեջանում բավականին բարդ է, և ՌԴ-ն շահագրգռված է, որ Անդրկովկասը լինի հանգիստ և կայուն զարգացող տարածաշրջան։ Հոկտեմբերի 27-ին ՌԴ նախագահ Վլադիմիր Պուտինը ասել է, որ Հայաստանին առաջարկվող վաշինգտոնյան տարբերակը, ենթադրում է Ղարաբաղի նկատմամբ Ադրբեջանի ինքնիշխանության ճանաչում։ Նա հավելել է․ «Եթե Հայաստանն այդպես է կարծում՝ խնդրեմ։ Մենք կաջակցենք հայ ժողովրդի ցանկացած ընտրության»։ ՌԴ նախագահը նաև ասել է, որ ՌԴ-ն չի պատրաստվում ոչինչ պարտադրել Հայաստանին, չի կարող և չի պատրաստվում ինչ-որ բան թելադրել, եթե հայ ժողովուրդն ու այսօրվա ղեկավարությունը որոշեն, որ պետք է ընտրել կոնկրետ տարբերակ։ Photo. TASS Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |