 28․3 մլն դրամ` Թուրքիայի հետ սահմանին «Մարգարա» անցակետի գործարկմանը 21 ապրիլի 2023 - 16:23 AMT PanARMENIAN.Net - Կառավարությունն ապրիլի 20-ի նիստում չքննարկվող հարցերի շարքում որոշել է 28․3 մլն դրամ (մոտ $73,000) հատկացնել հայ-թուրքական սահմանի «Մարգարա» անցակետի նախագծման և կառուցման համար, հայտնում է «Նովոստի-Արմենիան»։ Հիմնավորման մեջ նշվում է, որ նախագիծը սեղմ ժամկետում իրականացնելու նպատակով որոշվել է նախագծումն ու կառուցումը զուգահեռ անել։ Վարչապետ Նիկոլ Փաշինյանը ԱԺ-ում ապրիլի 18-ի իր ելույթում հայտարարել էր, որ ՀՀ և Թուրքիայի միջև հարաբերությունների կարգավորման մեծ հավանականություն կա։ Նա հույս էր հայտնել, որ առաջիկայում հայ-թուրքական սահմանը կբացվի, ինչ թույլ կտա բարիդրացիական հարաբերություններ հաստատել։ Ապրիլի 6-ին ՊԵԿ նախագահ Ռուստամ Բադասյանը, անդրադառնալով հայ-թուրքական սահմանի Մարգարայի անցակետի վերագործարկմանը, ասել էր, որ տարվում են նախապատրաստական աշխատանքներ։ Թուրքիայում փետրվարի 6-ի երկրաշարժից հետո Հայաստանը փրկարարների խումբ է ուղարկել Թուրքիա, ինչպես նաև մարդասիրական օգնություն, որը տեղափոխող բեռնատարները 30 տարվա մեջ առաջին անգամ հատել են ցամաքային սահմանը Մարգարայի կամրջով։ Թուրքիան ՀՀ հետ սահմանը փակել է 1993 թվականին։ Երևանն ու Անկարան 2021-ի դեկտեմբերին հայտարարեցին, որ պատրաստ են հարաբերությունների կարգավորման քայլեր ձեռնարկել, և հատուկ ներկայացուցիչներ նշանակեցին։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
