  Հայ-թուրքական հարաբերությունների կարգավորման փաստը բացարձակապես հեռու է իրականությունից27 ապրիլի 2009 - 19:08 AMT PanARMENIAN.Net - «Միտք» վերլուծական կենտրոնը տարածել է մի հայտարարություն, որում անհանգստություն է հայտնում վերջին կատարված իրադարձությունների կապակցությամբ, որոնք ճակատագրական նշանակություն ունեն ողջ հայության համար: Հայտարարության մեջ նշվում է, որ հայ-թուրքական հարաբերությունների կարգավորման փաստը բացարձակապես հեռու է իրականությունից: «Հայ-թուրքական հարաբերություններում Թուրքիան երբեք չի հրաժարվել ու մինչ օրս էլ չի հրաժարվում իր երեք պայմաններից: Դա Հայաստանի կողմից Թուրքիայի սահմանների ճանաչումն է 1921թ. Կարսի պայմանագրով, Ադրբեջանի օգտին ղարաբաղյան հիմնախնդիրը լուծելու առաջարկը եւ Հայոց ցեղասպանության միջազգային ճանաչման գործընթացի դադարեցումը»,- մատնանշվում է կենտրոնի հայտարարության մեջ: «Հայության համար սգո ամսաթվի նախօրեին հայ-թուրքական հայտարարության ստորագրման փաստն ինքնին դարձավ թուրք-ամերիկյան դիվանագիտության հաղթանակը եւ մատնանշեց ՀՀ կառավարության ու սփյուռքի միջեւ եղած հսկայական անդունդը»,- ասվում է «Միտք»-ի հայտարարության մեջ: Հեղինակները նաեւ գտնում են, որ Հայաստանը` որպես հայոց հայրենիքի արեւելյան հատված, առանց Ցեղասպանության արդյունքում Արեւմտյան Հայաստանը կորցրած բազմամիլիոնանոց սփյուռքի համաձայնության բարոյական իրավունք չունի բարեկամական հարաբերություններ կարգավորելու Թուրքիայի հետ:Ելնելով վերը ասվածից` «Միտք» վերլուծական կենտրոնը պահանջում է արտաքին գործերի նախարարի պաշտոնից ազատել Է.Նալբանդյանին, ինչպես նաեւ հանրության դատին ներկայացնել «ճանապարհային քարտեզը»:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
