  Գրիգորյան․ Գործողություններ են մշակվում, որ կարող են վտանգել Մայր Աթոռը՝ Փաշինյանը չի կանգնելու 20 հոկտեմբերի 2025 - 14:41 AMT PanARMENIAN.Net - ՀՀ Ազգային ժողովի «Հայաստան» խմբակցության պատգամավոր Աննա Գրիգորյանը, խորհրդարանում լրագրողների հետ զրույցի ժամանակ ասել է, որ վարչապետ Նիկոլ Փաշինյանը մշակում է կաթողիկոսի դեմ գործողություններ իրականացնել` մտածում է դա անել Էջմիածնի ընտրություններից առա՞ջ, թե հետո, հայտնում է Aysor.am-ը։ «Խոնարհաբար Վեհափառ Տիրոջն ասում եմ, որ գործողությունների այնպիսի տրամաբանություն է մշակվում, որ, իսկապես, կարող է վտանգել Մայր Աթոռը։ Մենք տեսնում ենք, որ Նիկոլ Փաշինյանը չի կանգնելու․ իր գործողությունները մի քիչ առաջ, մի քիչ հետո՝ պլանավորել է և իրականացնելու է։ Վարդան Ղուկասյանը մի քիչ առաջ ընկավ, Մայր Աթոռը՝ մի փոքր հետ։ Դա կապված է Էջմիածնի ընտրությունների հետ։ Կարծում եմ՝ ՀՀ բոլոր քաղաքական ուժերն արձանագրել են, որ հարձակումը տեղի է ունենալու, և համախմբված պետք է հակազդեցության օջախ ձևավորել»,-ասել է Գրիգորյանը։ Նա նաև ընդգծել է, որ խնդիրը անձնական չէ և չի սահմանափակվում կաթողիկոսի դեմ ուղղված քայլերով։ «Եթե Կաթողիկոսի դեմ խնդիր լիներ, խնդրում եմ բացատրեք՝ ինչո՞ւ են երեք թեմի առաջնորդները ձերբակալված։ Չէ, սա ամբողջ ինստիտուտի և վերնախավի գլխատում է»,–ասել է պատգամավորը։ Հոկտեմբերի 15–ին վաղ առավոտից Քննչական կոմիտեն ԱԱԾ-ի ուղեկցությամբ խուզարկություններ է իրականացրել Արագածոտնի թեմի առաջնորդարանում և մի շարք հոգևորականների տներում, որից հետո թեմի տասնյակ հոգևորականներ, այդ թվում թեմի առաջնորդ Մկրտիչ եպիսկոպոս Պռոշյանը, թեմի աշխարհիկ աշխատակիցներ, տարվել էին Քննչական կոմիտե։ Դատարանի որոշումներով,Մկրտիչ եպիսկոպոս Պռոշյանը կալանավորվել է երկու ամսով, իսկ Մուղնիի Սուրբ Գևորգ եկեղեցու հոգևոր հովիվ, Արագածոտնի թեմի դիվանապետ Տեր Գարեգին Արսենյանը՝ մեկ ամսով։ Մյուսներն ունենվկայի կարգավիճակ։ Քննչական կոմիտեն հաղորդել է, որ թեմի առաջնորդի նկատմամբ հարուցվել է հանրային քրեական հետապնդում՝ ՀՀ Քրեական օրենսգրքի երկու հոդվածներով՝ ընտրական իրավունքի իրացմանը խոչընդոտելու նպատակով պաշտոնեական դիրքի օգտագործում, ինչպես նաև՝ իշխանական կամ ծառայողական լիազորությունների կիրառմամբ հավաքներին մասնակցելուն հարկադրելու մեղադրանքներով։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
