Գալստյանը ՔԿՀ-ից կոչ է արել «չհանձնվել, չհուսահատվել, չհամակերպվել»

PanARMENIAN.Net - «Հայրենիք» կուսակցության անդամ Խաչիկ Գալստյանը փաստաբան Արսեն Բաբայանի միջոցով ուղերձ է հղել ՔԿՀ-ից։ Այն հրապարակվել է փաստաբանի ֆեյսբուքյան էջում:

«Շնորհակալ եմ համախոհներիս ու գաղափարակից ընկերներիս այս օրերին ցուցաբերած աջակցության ու քաղաքացիական ակտիվ դիրքորոշման համար։ Գիտեմ, որ շատ դժվար է։

Նիկոլի Հայաստանում, որտեղ հետապնդվում է հայի խիղճը, հավատքն ու հայրենասիրությունը, փոխարենը՝ փառաբանվում է ստամոքսը, սատանիզմն ու պանթուրքիզմը։

Կոչս ու հորդորս բոլորին՝ չհանձնվել, չհուսահատվել, չհամակերպվել։

Ընդհակառակը՝ հավատալ, համախմբել և հաղթել։

Հայ ազգին հարկավոր են նոր առաջնորդներ։

Հայ ազգին հարկավոր է նոր որակի իշխանություն։

P.S․ Թակիր, որ բացես,

Փնտրիր, որ գտնես»,- ասվում է ուղերձում։

Գալստյանը կալանավորվել է ՀՀ Արմավիրի մարզի Վաղարշապատ համայնքում 2025 թվականի նոյեմբերի 16-ին համամասնական ընտրակարգով ավագանու ընտրություններին «Հայրենիք» կուսակցության պատասխանատու անձանց կողմից իրենց օգտին քվեարկելու դիմաց ընտրակաշառք տալու և նույն համայնքի բնակիչների կողմից ընտրակաշառք ստանալու դեպքերի առթիվ ՀՀ հակակոռուպցիոն կոմիտեում նախաձեռնված քրեական վարույթի շրջանակում: