  Փաշինյանը՝ ԵՄ և ԵԱՏՄ-ին անդամակցության մասին․ «Վերջնական որոշումը կկայացնի ժողովուրդը հանրաքվեով» 20 ապրիլի 2026 - 16:07 AMT PanARMENIAN.Net - Վարչապետ Նիկոլ Փաշինյանը, ֆեյսբուքյան եթերում անդրադառնալով ԵԱՏՄ-ին և ԵՄ-ին անդամակցության համատեղելիության հարցին, հայտարարել է, որ վերջնական որոշումը կկայացնի ժողովուրդը: Նա նշել է, որ իրավական առումով հնարավոր չէ միաժամանակ անդամակցել երկու միություններին՝ հավելելով, որ Հայաստանը չի շտապում ընտրություն կատարել: «Մենք գիտենք, որ համատեղելի չեն ԵԱՏՄ-ն և Եվրոպական միությունը, բայց քանի դեռ մեր օրակարգերը համատեղելի են, մենք ընտրություն չենք կատարի։ Քանի դեռ Եվրոպական միության հետ մերձեցման, ԵՄ անդամակցության չափանիշներին համապատասխանելուն ուղղված բարեփոխումները համատեղելի են, ՀՀ-ն կշարունակի մնալ ԵԱՏՄ անդամ և կզարգացնի առևտրատնտեսական հարաբերությունները նրա անդամ երկրների հետ»,-ասել է Փաշինյանը: Ըստ նրա՝ կա որոշակի «համատեղելիության տարածք»։ «Երբ կգա այն պահը, երբ համատեղելիության տարածք չի լինի, այդ ժամանակ Հայաստանի Հանրապետությունը, ժողովուրդը, բնականաբար, հանրաքվեով կկայացնի որոշում»,-ասել է վարչապետը: Ավելի վաղ Ռուսաստանի փոխվարչապետ Ալեքսեյ Օվերչուկը հայտարարել էր, որ Հայաստանի քաղաքացիները պետք է հաշվի առնեն Երևանի կողմից Եվրամիության հետ մերձեցման քաղաքականության հնարավոր հետևանքները: Ըստ նրա՝ Մոսկվայի համար ակնհայտ է, որ Հայաստանին նախապատրաստում են Եվրամիություն մտնելուն, որը Ռուսաստանի համար դարձել է թշնամական բլոկ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
