Ադրբեջանի ռազմաքաղաքական վերնախավը չի կարողանում ձերբազատվել պարտվածի բարդույթից 7 մայիսի 2010 - 19:03 AMT PanARMENIAN.Net - Ադրբեջանում ծավալված հերթական քարոզչական հիստերիայի կապակցությամբ հաղորդագրություն է տարածել Հայաստանի պաշտպանության նախարարությունը: Հաղորդագրության մեջ մասնավորապես, ասվում է. «Վերջին օրերին Ադրբեջանի ՊՆ մամուլի ծառայության ղեկավար Սաբիրօղլուն և որոշ, այսպես կոչված «քաղաքագետներ», կրկին հանդես են եկել հայտարարություններով, որոնք դժվար է այլ կերպ որակել, քան վայրահաչություն և քարոզչական հիստերիա: Ադրբեջանի քարոզչամեքենայի այս հերթական «ոգևորության» առիթը Հայաստանի Հանրապետության պաշտպանության նախարարի հայտարարությունն էր այն մասին, որ հայկական զինված ուժերը պետք է հասնեն աշխարհի ուժեղագույն բանակների մակարդակին»: «Ադրբեջանի ՊՆ «ագիտպրոպի» աշխատակիցներին և նրանց հրահանգիչներին այս արտահայտությունը տարօրինակ է թվացել, թերևս այն պատճառով, որ սեփական բանակի մարտունակության մասին ադրբեջանցիները կարողանում են դատել միմիայն ռազմական բյուջեի մեծությամբ, ձեռք բերված հնամաշ սպառազինությամբ և սեփական բանակում տիրող ամենաթողությամբ: Ադրբեջանական բանակում պարբերաբար տեղի ունեցող զանգվածային սպանություններից, ինքնասպանություններից, ինքնախեղումներից ու բռնաբարություններից սեփական ժողովրդի ուշադրությունը շեղելու նպատակով, Ադրբեջանի քարոզչության «բանակային կոմիսարները» սփոփվում են հայկական ԶՈՒ ստորաբաժանումներից մեկում տեղի ունեցած դեպքը օրեր շարունակ շահարկելով: Դա ինքնին հասկանալի է. Ադրբեջանի ռազմաքաղաքական վերնախավը չի կարողանում ձերբազատվել պարտվածի բարդույթից: Պատերազմի տարիներին, առնվազն երեք անգամ գերազանցելով սպառազինությամբ ու մարդկային ռեսուրսով, օգտագործելով թուրք, ուկրաինացի, աֆղան, չեչեն և այլ վարձկանների, ադրբեջանական բանակը ծանր պարտություն կրեց և ստիպված եղավ ստորագրել պարտադրված հրադադարը: Արագորեն միմյանց հաջորդող Ադրբեջանի նախագահները այն ժամանակ ևս ամպագոռգոռ հայտարարություններ էին անում և իրենց ժողովրդին խոստանում գրավել ոչ միայն Լեռնային Ղարաբաղը, այլև Հայաստանի մի շարք շրջաններ: Անցյալից դասեր քաղելու փոխարեն՝ Ադրբեջանը շարունակում է խոսել սպառնալիքների, վիրավորանքների և զրպարտության լեզվով: Մեկ անգամ ևս հայտարարում ենք. հայկական բանակը ամուր կանգնած է մեր պետության սահմաններին և պատրաստ է ցանկացած պահի դիմագրավելու և արժանի հակահարված տալու հակառակորդին», ասվում է ՀՀ ՊՆ տեղեկատվության և հասարակայնության հետ կապերի վարչության հաղորդագրության մեջ: Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Ադրբեջանում ևս մեկ լրագրող է ձերբակալվել Հոդվածն այն մասին էր, որ Ալիևը մասնակցում է օտարերկրյա դրամաշնորհների ապօրինի ստացմանը Լավրով․ ՀՀ–ին բոլորից ձեռնատու է ԵվրԱզԷՍ–ը, հաշված է Նա հավելել է, որ ՀՀ–ն, փոքր երկիր լինելով, շատ ավելի քիչ է տալիս, բայց բոլորին հավասար իրավունքներ ունի CFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականին Ռուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվեն |