  Հայաստանի և Իրանի էներգետիկ համագործակցությունը թափ է հավաքում  15 հոկտեմբերի 2010 - 16:26 AMTPanARMENIAN.Net - Հոկտեմբերի 15-ին Հայաստանի արտգործնախարար Էդվարդ Նալբանդյանն ընդունեց Իրանի էներգետիկայի նախարար Մաջիդ Նամջուին: Ողջունելով հյուրին` Էդվարդ Նալբանդյանը գոհունակություն հայտնեց վերջին շրջանում երկու երկրների միջեւ տեղի ունեցող ակտիվ փոխայցելությունների, հայ-իրանական փոխշահավետ համագործակցության կայուն զարգացման կապակցությամբ եւ նշեց, որ էներգետիկ համագործակցությունը թափ է հավաքում` նորանոր ծրագրեր են մշակվում եւ կյանքի կոչվում: Մաջիդ Նամջուն շնորհակալություն հայտնեց ընդունելության համար եւ նշեց, որ իր երկրի կառավարությունը մեծապես կարեւորում է Հայաստանի հետ համագործակցությունը, եւ վերջին շրջանի ակտիվ փոխայցելությունները դրա մասին են վկայում: Նա ներկայացրեց էներգետիկ բնագավառում երկկողմ փոխգործակցության ընդլայնման նպատակով իրանական կողմից ձեռնարկվող քայլերը: Նախարար Նալբանդյանը կարեւորեց երեկ Իրան-Հայաստան էլեկտրահաղորդման 3-րդ գծի շինարարության հիմնարկեքի արարողությունը եւ այսօր Երեւանում հայ-իրանական գործարար համաժողովի անցկացումը, որին մասնակցելու նպատակով ժամանել են երկու տասնյակից ավելի իրանական ընկերությունների ներկայացուցիչներ: Ինչպես հայտնում է ԱԳՆ մամլո ծառայությունը, զրուցակիցներն անդրադարձան Հայաստանի եւ Իրանի տնտեսական համագործակցությանն առնչվող հարցերին, քննարկեցին ՀՀ վարչապետ Տիգրան Սարգսյանի Իրան կատարելիք այցի նախապատրաստական աշխատանքները:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
