  “Արաբո” ջոկատի հրամանատար: Ադրբեջանին կարելի է մեկ անգամ էլ «ծեծել» 5 մայիսի 2011 - 13:50 AMT PanARMENIAN.Net - Պատերազմը Արցախյան հակամարտության գոտում արդեն մեկ տարի է, ինչ սկսվել է, պարզապես դեռ լայնածավալ գործողություններ չկան: Այսօր այս մասին Երևանում հրավիրած մամլո-ասուլիսի ժամանակ հայտարարեց “Արաբո” ջոկատի հրամանատար Մանվել Եղիազարյանը` նկատի ունենալով շփման գծում հաճախակի դարձած մահվան ելքով միջադեպերը: «Այդ պատերազմում մենք պարտավոր ենք հաղթել: Եթե չհաղթենք, Զանգեզուրն էլ ենք տալու, և դրանով կիրականանա պանթուրքիստական ծրագիրը»,- ասաց Եղիազարյանը: «Արաբո» ջոկատի հրամանատարը համոզված է, որ Ադրբեջանին կարելի է մեկ անգամ էլ «ծեծել»: Խոսելով կողմերի հնարավորությունների մասին` հրամանատարը նշեց, որ անկախ Ադրբեջանի սպառազինումից, հայկական կողմը կարող է հաղթել նրան: Նա հիշեցրեց , որ 1990-ին էլ Ադրբեջանի զենքը ավելի շատ էր, քան հայերինը: «Մենք կռվում էինք որսորդական հրացաններով, իրենք օգտագործում էին իրենց զենքերն ու տեխնիկան: Մենք հիմա էլ կհաղթենք, բայց ժողովուրդը թևաթափ է եղել»,- ասաց Եղիազարյանը: «Արաբո» ջոկատի հրամանատարը համոզված է, որ առաջին գծում հաջողություն հասնելու, զինվորի բարոյահոգաբանական վիճակը բարելավելու համար նախևառաջ պետք է լուծել Հայաստանի ներսում առկա խնդիրները, մասնավորապես, սոցիալական հիմնախնդիրները:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
