 Ռումինիան ձգտել է ու ձգտում է օգնել Հայաստանին կատարել IPAP գծով ստանձնած պարտավորությունները 4 հոկտեմբերի 2011 - 16:46 AMT PanARMENIAN.Net - Ռումինիան ձգտել է ու ձգտում է օգնել Հայաստանին կատարել IPAP (Անհատական գործընկերության գործողությունների ծրագիր) գծով ստանձնած պարտավորությունները: Այդ մասին Երևանում կայացած մամլո ասուլիսում հայտարարել է ՀՀ-ում Ռումինիայի դեսպան Կրինա Պրունարիուն: Ըստ նրա, 2007թ. օգոստոսին Ռումինիան առաջարկում էր Հայաստանին կոնկրետ օգնություն ռազմական դոկտրինի ստեղծման հարցում: Դեսպանը նշել է, որ երկու երկրների պաշտպանության նախարարություների միջև լավ կապեր են հաստատվել: «Մենք օգնություն ենք առաջարկել նաև ՀՀ ՊՆ բյուջեի բարեփոխման հարցում»,-ասել է նա: Նա նաև նշել է, որ Ռումինիան առաջարկում է վերապատրաստել հայ զինծառայողներին: Դեսպանն ասել է, որ Ռումինիայում բարձր են գնահատում Հայաստանում իրականացվող բարեփոխումները, մասնավորապես ներքին օրենսդրությունը եվրոպական չափանիշների հետ ներդաշնակեցնելու գործում: Կրինա Պրունարիուն նաև ողջունել է համաներումը Հայաստանում: «Մենք նաև ուրախ ենք, որ Հայաստանում զարգանում են ոչ կառավարական կազմակերպությունները և հանրությունը գնալով ակտիվանում է»,-ասել է նա: Գարնանը ՀՀ նախագահը դիմեց Ազգային ժողով՝ առաջարկելով համաներում հայտարարել Հայաստանի անկախության 20-ամյակի կապակցությամբ, ինչը հավանության արժանացավ:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
