«Ժառանգություն»՛ ընդդիմադիր կուսակցության պատգամավոր Արմեն Մարտիրոսյանը դեմ է հանդես եկել Հայաստանի անդամակցությանը Եվրասիական միությանը, որի ստեղծման մասին համաձայնությունն այսօր ստորագրել են Ռուսաստանի, Բելառուսի և Ղազախստանի նախագահները: «Ես չեմ կարծում, որ Հայաստանի ուղին տնտեսապես ոչ զարգացած , էլ չեմ ասում ժողովրդավարությունից հեռու գտնվող պետություններին միանալն է»,- հայտարարել է նա խորհրդարանում գտնվող լրագրողներին:
«Չունենալով ընդհանուր սահման՝ շատ դժվար եմ պատկերացնում միացման մասին համաձայնության ստորագրումը: Առավել ևս, որ այն խնդիրները, որոնք առկա են այդ երկրներում, Հայաստանին հնարավորություն կտան արդյո՞ք լուծելու այն մարտահրավերները, որոնք կանգնած են նրա առջև»,- հավելել է ընդդիմադիր պատգամավորը:
Ըստ որում, Մարտիրոսյանը հեգնանքով հավելել է, որ «հայկական իշխանությունը սիրում է փաստաթղթեր ստորագրել գիշերը, առանց հասարակական քննարկումների»:
Ռուսաստանի նախագահ Դմիտրի Մեդվեդևը, Բելառուսի նախագահ Ալեքսանդր Լուկաշենկոն և Ղազախստանի նախագահ Նուրսուլթան Նազարբաևն այսօր Մոսկվայում ստորագրել են Եվրասիական տնտեսական ինտեգրման մասին հռչակագիրը, Եվրասիական տնտեսական հանձնաժողովի (ԵՏՀ) մասին համաձայնագիրը և ԵՏՀ-ի աշխատանքի կանոնակարգը:
Եվրասիական տնտեսական միության ազգային մարմինները, որոնք պետք է ձևավորվեն մնչև 2015 թվականը, կստանան Ռուսասանի, Բելառուսի և Ղազախստանի 175 լիազորություններ: