  Ալեքսանդր Իսկանդարյան. Սարսափները, որոնցով Թուրքիան սպառնում է Ֆրանսիային, իրականություն չեն դառնա  19 դեկտեմբերի 2011 - 13:10 AMTPanARMENIAN.Net - Ֆրանսիայի կողմից Հայոց ցեղասպանության ժխտումը քրեականացնող օրինագծի ընդունման դեպքում Թուրքիան ինչպես միշտ նյարդային կարձագանքի: Այդ մասին Երևանում կայացած մամուլի ասուլիսում հայտարարել է «Կովկաս» հետազոտական կենտրոնի տնօրեն Ալեքսանդր Իսկանդարյանը, պատասխանելով PanARMENIAN.Net ի այն հարցին, թե ինչ քայլեր կարող է ձեռնարկել Անկարան օրինագծի ընդունման դեպքում: Սակայն հայ փորձագետը նկատել է, որ չգիտի որքանով է հավանական Ֆրանսիայում Հայոց ցեղասպանությունը քրեականացնող օրինագծի ընդունումը: «Այնուամենայնիվ, սարսափները, որոնց մասին խոսում է Թուրքիան` Ֆրանսիայի կողմից Ցեղասպանության քրեականացման մասին օրինագծի ընդունման դեպքում, չեն լինի»,- ասել է նա` հավելելով, որ Ֆրանսիան Եվրոպայում կարևոր դեր է խաղում և բազմաթիվ հարցեր է որոշում, «այնպես որ ես լրջորեն չեմ վերաբերում այն հայտարարություններին, որ օրինագծի ընդունման դեպքում Թուրքիան կխզի իր հարաբերությունները Ֆրանսիայի հետ»: Դեկտեմբերի 22-ին Հայոց ցեղասպանության ժխտումը քրեականացնող բանաձևը կդիտարկվի Ֆրանսիայի Ազգային ժողովում: Բանաձևը Հայոց ցեղասպանության ժխտման համար նախատեսում է 1 տարվա ազատազրկում և 45 հազ եվրոյի չափով տուգանք: Այս կապակցությամբ Թուրքիան սպառնացել է հետ կանչել դեսպանին Փարիզից, եթե Ֆրանսիայի խորհրդարանը հավանություն տա այդ օրենքին: Թուրքիայի ԱԳ նախարար Ահմեդ Դավութօղլուն Ֆրանսիային սպառնացել է պատասխան միջոցներով, եթե ֆրանսիական սենատը հաստատի օրինագիծը, որը քրեականացնում է Հայոց ցեղասպանության ժխտումը: Դավութօղլուն նաև նշել է, որ Թուրքիան խորհրդարանի քննարկման կդնի «ցեղասպանության» ճանաչման օրինագիծը, որը Ալժիրում իրականացրել է Ֆրանսիան 1945թ, և որի արդյունքում զոհվել են տեղի 45000 բնակիչներ: Ւր հերթին ԵԽԽՎ նախագահ Մևլութ Չավուշօղլուն Ֆրանսիայի սենատի կողմից Հայոց ցեղասպանության ժխտման քրեականացման օրինագծի հնարավոր ընդունման դեպքում Փարիզի և Անկարայի հարաբերությունների վատացման «պատասխանատվությունը» դնում է Ֆրանսիայի նախագահ Նիկոլյա Սարկոզիի վրա:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժեներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
