Թուրքիայի զինուժերի գլխավոր շտաբը կարգադրել է տեղեկատվություն հավաքել այն անձանց մասին, ովքեր կարող են վնաս հասցնել երկրի անվտանգությանը: Ինչպես տեղեկացնում են թուրքական ԶԼՄ-ները, դատելով կարգադրության տեքստից` զինվորականներն այդ կատեգորիային են դասում «անջատականներին, մասոններին, ամերիկամետ եւ եվրոպամետ քաղաքացիներին, արվեստի գործիչներին, ազգային փոքրամասնությունների ներկայացուցիչներին եւ Ինտերնետից օգտվող անձանց»: Համանման ցուցում է ուղարկվել նաեւ իշխանության տեղական մարմիններին: Թուրքիայի զինուժերի գլխավոր շտաբի քարտուղարության հայտարարության համաձայն` այդ պահանջը պատճառաբանվում է այն սպառնալիքների դեմ միջոցներ ձեռնարկելու համար տեղեկատվություն ստանալու անհրաժեշտությամբ, որոնք կարող են ծագել ապագայում: